fish kheema

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే చేపల కీమా ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

25 Minutes
Servings

4

కావాల్సిన పదార్ధాలు

ముళ్లు తక్కువుండే చేప ముక్కలు - అరకిలో,
ఉల్లి ముక్కల తరుగు - అరకప్పు,
వెల్లుల్లి రెబ్బలు - ఆరు,
పచ్చి మిర్చి - ఆరు, కరివేపాకు - 4 రెబ్బలు,
పసుపు - అరటీ స్పూను,
ఆవాలు - అరటీ స్పూను,
నూనె - సరిపడినంత,
ఉప్పు - తగినంత

తయారు చేయు విధానం

Step 1
చేపముక్కల్ని రెండు నిమిషాల పాటూ ఉడికస్తే కాస్త మెత్తగా తయారవుతాయి.
Step 2
అప్పుడు వాటిలోని ముళ్లని తీసేసి చేత్తొనే పొడిపొడిగా తురుములా చేసేయాలి. ఇప్పుడు స్టవ్ మీద కళాయి పెట్టి నూనె వేయాలి.
Step 3
నూనె వేడెక్కాక అందులో ఆవాలు, వెల్లుల్లి రెబ్బలు, ఉల్లి తరుగు, పచ్చి మిరపకాయ ముక్కలు వేసి వేయించాలి. అందులో పసుపు, కరివేపాకు కూడా వేసి వేయించాలి.
Step 4
బాగా వేగాక చేప ముక్కల తురుముని కూడా అందులో వేసి బాగా కలపాలి. సరిపడినంత ఉప్పు వేసి మళ్లీ బాగా కలపాలి.
Step 5
మరీ స్పైసీ గా కావాలనుకుంటే అర చెంచా కారాన్ని కలుపుకోవచ్చు. గుడ్డు పొరటు లాగే ఇది కూడా బాగా వేగాక స్టవ్ కట్టేయాలి.
Step 6
పైన కొత్తిమీర తరుగు చల్లి సర్వ్ చేస్తే సరి. చేప పొరటు తినేందుకు రెడీగా ఉన్నట్టు. దీనిని చపాతీలో తింటే చాలా బాగుంటుంది.