panchmela dal

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పాంచ్మేలా దాల్ ఎలా తయారుచేయాలో ఇక్కడ తెలుసుకోండి.

కావాల్సిన పదార్ధాలు

శెనగపప్పు, పెసరపప్పు, మినపప్పు, మసూర్ దాల్ (ఎర్రపప్పు) - అన్నీ ఒక్కో కప్పు చొప్పున
వెల్లుల్లి రెబ్బలు - ఎనిమిది (కచ్చాపచ్చాగా కొట్టాలి)
అల్లం - కొద్దిగా (సన్నగా తరగాలి)
పెద్ద ఉల్లిపాయ - ఒకటి (సన్న ముక్కలుగా తరగాలి)
టొమాటోలు - నాలుగు (తరగాలి)
జీలకర్ర - ఒకటిన్నర టీస్పూన్
పచ్చిమిర్చి - ఐదు (సన్నగా తరగాలి)
కారం - అర టీస్పూన్
ఎండుమిర్చి – ఒకటి
పసుపు – చిటికెడు
వంటనూనె - మూడు టీస్పూన్లు
తాజా కొత్తిమీర - కొద్దిగా (తరగాలి)
ఉప్పు - రుచికి సరిపడా

Step 1
పప్పులన్నిటినీ శుభ్రంగా కడిగి లోతైన గిన్నెలో వేసి ఆరు కప్పుల నీళ్లు, కాస్త ఉప్పు, పసుపు వేసి ఉడికించాలి. పప్పులు అడుగంటకుండా, ఉండలు కట్టకుండా మధ్యమధ్యలో కలుపుతూ పావుగంటసేపు ఉడికించాలి.
Step 2
ఈ లోగా తాలింపుకి సిద్ధం చేసుకోవాలి. పెద్ద గిన్నెలో నూనె వేడి చేసి అందులో జీలకర్ర, అల్లం, వెల్లుల్లి, పచ్చిమిర్చి ముక్కలు ఆ వరసలో వేసి కొన్ని నిమిషాలు వేగాక టొమాటో ముక్కలు వేయాలి.
Step 3
కొద్దిగా బ్రౌన్ రంగుకి వచ్చాక ఉప్పు, పసుపు, కారం వేసి ఓ మాదిరి మంట మీద ఉడికించాలి. తర్వాత పప్పు మిశ్రమాన్ని వేసి నెమ్మదిగా కదపాలి. పైన కొత్తిమీర చల్లి అలంకరించుకుంటే సరి.