moong dal burfi

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పెసరపప్పు బర్ఫీ ఎలా తయారుచేయాలో ఇక్కడ తెలుసుకోండి.

Prep Time

1 Hour 20 Minutes
Cooking Time

30 Minutes
Servings

2

కావాల్సిన పదార్ధాలు

పెసరపప్పు - ఒక కప్పు,
కోవా - కప్పు,
చక్కెర - అరకప్పు,
నెయ్యి - ముప్పావు కప్పు,
కిస్ మిస్ - గుప్పెడు

తయారు చేయు విధానం

Step 1
పెసరపప్పును మూడు గంటల సేపు నానబెట్టుకోవాలి. అనంతరం నీళ్లు తీసేసి పెసరపప్పును ముద్దలా చేసుకోవాలి.
Step 2
ఇప్పుడు స్టవ్ మీద కళాయి పెట్టి నెయ్యి వేసి, అది కరిగాక పెసరపప్పు ముద్ద వేసి బాగా కలపాలి. మంట తక్కవగా పెట్టాలి.
Step 3
పెసరపప్పు ముద్ద ఉడికే వరకు ఉంచాలి. కమ్మటి వాసర రావడం, ముద్ద రంగు మారడమనేది బాగా ఉడికిందనడానికి సంకేతం. ముద్ద ఉడికాక దించేయాలి.
Step 4
ఇప్పుడు స్టవ్ మీద మరో కళాయి పెట్టి అందులో కోవా వెయ్యాలి. అది కాస్త వేడిగా అయ్యాక ఈ పెసరపప్పు ముద్దని వేసి బాగా కలపాలి.
Step 5
ఈ మిశ్రమం కాస్త ఉడికి దగ్గరగా చేరుకుంటుంది. ఈలోపు చక్కెర లేత పాకంగా చేసి దానిని కోవా-పెసర ముద్దలో వేసి బాగా కలిపేయాలి.
Step 6
ఈ మిశ్రమమంతా దగ్గరగా అయ్యే వరకు స్టవ్ మీద ఉంచాలి.
Step 7
మిశ్రమం దగ్గరకు చేరాక స్టవ్ కట్టేయాలి. దానికి పళ్లెంలో వేసి కిస్ మిస్ చల్లి, బర్ఫీల్లా ముక్కలుగా కోసుకుంటే సరి. పెసరపప్పుతో తీయటి బర్ఫీ సిద్ధమైనట్టే.