prawns kichidi

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే రొయ్యలతో కిచిడీ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

25 Minutes
Servings

1

కావాల్సిన పదార్ధాలు

రొయ్యలు - ఒక కప్పు,
బంగాళాదుంప ముక్కలు - అరకప్పు,
టొమాటో - పావుకప్పు,
కొబ్బరి తురుము - రెండు టీస్పూనులు,
బియ్యం - రెండు కప్పులు,
సాంబార్ పొడి - చెంచా,
పచ్చిమిర్చి తరుగు - ఒక టీస్పూను,
అల్లం వెల్లుల్లి పేస్టు - అరచెంచా,
కరివేపాకు రెబ్బలు - రెండు,
ఉల్లిపాయ ముక్కలు - పావుకప్పు,
నానబెట్టిన పెసరపప్పు - ఒక టీస్పూను,
నానబెట్టిన మినప్పప్పు - ఒక టీస్పూను,
నెయ్యి - ఒక టీస్పూను,
ఉప్పు - సరిపడినంత,
కారం - ఒక చెంచా,
పసుపు - చిటికెడు,
నూనె - తగినంత, నీళ్లు - సరిపడినన్ని.

తయారు చేయు విధానం

Step 1
ముందుగా రొయ్యల్ని బాగా కడిగి... కారం, ఉప్పు, పసుపు వేసి అరగంట పాటూ పక్కన పెట్టాలి.
Step 2
తరువాత స్టవ్ మీద కుక్కర్ పెట్టి అందులో కాస్త నెయ్యి వేయాలి.
Step 3
అందులో ఉల్లిపాయ ముక్కలు, పచ్చిమిర్చి తరుగు, టొమాటో, బంగాళాదుంపముక్కలు, అల్లం వెల్లుల్లి ముద్ద, కొబ్బరి తురుము వేసి వేయించాలి.
Step 4
అందులోనే మారినేషన్ చేసిన రొయ్యలు కూడా వేయాలి.
Step 5
ఆ మిశ్రమాన్ని బాగా వేగించాలి. రొయ్యలు ఇప్పుడు సగం ఉడికిపోవాలి.
Step 6
తరువాత కడిగిన బియ్యాన్ని వేసి బాగా కలపాలి. అందులోనే నానబెట్టిన పెసరపప్పు, మినప్పప్పు, పసుపు, సాంబార్ పొడి, ఉప్పు వేసి బాగా కలపాలి.
Step 7
ఇప్పుడు రెండు కప్పులు బియ్యానికి నాలుగున్నర కప్పుల నీళ్లు పోసి కుక్కర్ మూత పెట్టేయాలి. మూడు విజిల్స్ వచ్చాక దింపేస్తే సరి. రొయ్యల కిచిడీ తినడానికి సిద్దమైనట్టే.