Greenpeas soup

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే గ్రీన్ పీస్ బఠానీ సూప్ ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

20 Minutes
Servings

2

కావాల్సిన పదార్ధాలు

పచ్చి బఠానీలు - రెండు కప్పులు,
వెన్న - ఒక టీస్పూను,
పుదీనా ఆకుల తురుము - ఒక టీస్పూను,
ఉల్లిపాయ తరుగు - పావుకప్పు,
పాలు - అరకప్పు,
బ్లాక్ పెప్పర్ - అర టీస్పూను,
ఉప్పు - రుచికి సరిపడా,
నీళ్లు - రెండు కప్పులు

తయారు చేయు విధానం

Step 1
పచ్చి బఠానీలు కడిగి పక్కన పెట్టుకోవాలి. స్టవ్ మీద కళాయి పెట్టి అందులో కాస్త వెన్న వేయాలి.
Step 2
అందులో ఉల్లి తరుగు వేసి వేయించాలి. తరువాత అందులో పచ్చి బఠానీలు వేసి... నీళ్లు పోయాలి. బఠానీలను ఉప్పు వేసి మెత్తగా ఉడికించుకోవాలి. * బఠానీలు ఉడికిపోయాక... చల్లార్చి, మెత్తటి పేస్టులా చేసుకోవాలి.
Step 3
ఇప్పుడు స్టవ్ పై మరో పాన్ పెట్టి అందులో నీళ్లు, పాలు పోసి మరిగించాలి.
Step 4
అవి కాస్త వేడెక్కాక బఠానీ పేస్టుని వేసి కలిపేయాలి. అందులో పుదీనా ఆకులు వేసి మరిగించాలి.
Step 5
బ్లాక్ పెప్పర్ చల్లాలి. మొత్తం మిశ్రమాన్ని మంచి వాసన వచ్చే వరకు చిన్న మంటమీద ఉడికించాలి.
Step 6
ఒక్కసారి కలిపి స్టవ్ కట్టేయాలి. ఒక బౌల్ లోకి సూప్‌ను తీసుకుని లాగించడమే. టేస్టు కూడా భలేగా ఉంటుంది.