Beerakaya rice recipe

ఎగ్ ఫ్రైడ్ రైస్, జీరా రైస్ తినే వాళ్లకు కొత్తగా ఏదైనా ట్రైచెయ్యాలని అనిపిస్తోందా? అయితే అలాంటి వాళ్ల కోసమే తెలుగు ఫుడ్ రెసెపీ డాట్ కామ్ అదిరిపోయే బీరకాయ రైస్ రెసిపీని అందిస్తోంది. మరెందుకు ఆలస్యం వెంటనే తెలుసుకొని తయారుచేయండి.

Prep Time

15 Minutes
Cooking Time

20 Minutes
Servings

2

కావాల్సిన పదార్ధాలు

అన్నం - ఒక కప్పు,
బీరకాయలు - రెండు,
ఉల్లిపాయ, టొమాటో - ఒక్కోటి,
ఎండుమిర్చి - నాలుగు,
కరివేపాకులు - కొన్ని,
ధనియాల పొడి, ఆవాలు, జీలకర్ర, శెనగపప్పు - ఒక్కో టీస్పూన్,
మినపప్పు- అర టీస్పూన్,
నూనె - రెండు టీస్పూన్లు,
ఉప్పు - సరిపడా.

తయారు చేయు విధానం

Step 1
బీరకాయ చెక్కుతీసి ముక్కలు తరగాలి. ఉల్లిపాయ, టొమాటోలను సన్నటి ముక్కలుగా తరగాలి.
Step 2
గిన్నెలో నూనె వేడిచేసి ఆవాలు, జీలకర్ర, కరివేపాకు వేసి ఆవాలు చిటపటమంటున్నప్పుడు మినపప్పు, శెనగపప్పు, ఎండుమిర్చిలు వేయాలి.
Step 3
పప్పులు ఎర్రగా అవుతున్నప్పుడు ఉల్లిపాయ, టొమాటో ముక్కలు వేసి మధ్యమధ్యలో గరిటెతో కలుపుతూ టొమాటో ముక్కలు మెత్తగా అయ్యే వరకు ఉడికించాలి.
Step 4
ఆ తరువాత బీరకాయ ముక్కలు, ధనియాల పొడి, ఉప్పు వేసి బీరకాయ ముక్కలు ఉడికాక అన్నం వేసి బాగా కలిపి స్టవ్ మీద నుంచి గిన్నె దింపేయాలి.