vangibath

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే వాంగీ బాత్‌ ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

30 Minutes
Servings

1

కావాల్సిన పదార్ధాలు

బియ్యం - ఒకటిన్నర కప్పు,
వంకాయలు - 2,
నూనె - 3 టేబుల్‌ స్పూన్లు,
జీలకర్ర - 1 టీ స్పూను, శనగపప్పు - 2 టేబుల్‌ స్పూన్లు,
పచ్చిమిర్చి - 1,
ఉల్లిపాయ - 1,
కరివేపాకు - 4 రెబ్బలు,
పసుపు - పావు టీ స్పూను, ‌వాంగీబాత్‌ మసాల పొడి - రెండున్నర టేబుల్‌ స్పూన్లు,
కారం - 1 టేబుల్‌ స్పూను,
ఉప్పు - తగినంత,
పచ్చిబఠాణి - అర కప్పు,
చింతపండు గుజ్జు - అర టీ స్పూను,
నెయ్యి - 1 టేబుల్‌ స్పూను,
పచ్చి పల్లీలు - అరకప్పు.
వాంగీబాత్‌ పొడి తయారీ:
లవంగాలు, యాలకులు - 2 చొప్పున,
షాజీరా, మెంతులు, జాజికాయ పొడి - అర టీ స్పూను చొప్పున,
ఎండుమిర్చి - 6, దాల్చినచెక్క - అంగుళం ముక్క,
ఇంగువ - చిటికెడు,
దనియాలు, మినప్పప్పు, శనగపప్పు - రెండు టీ స్పూన్ల చొప్పున, నువ్వులు - 1 టేబుల్‌ స్పూను,
జీలకర్ర - 1 టీ స్పూను,
కొబ్బరిపొడి - 3 టేబుల్‌ స్పూన్లు. (ఇవన్నీ చిన్న మంటపై వేగించి, చల్లారిన తర్వాత పొడి చేయాలి)

తయారు చేయు విధానం

Step 1
బియ్యంలో రెండున్నర కప్పుల నీరు పోసి (పొడి పొడిగా) అన్నం వండి చల్లార్చాలి. నూనెలో జీలకర్ర, శనగపప్పు, కరివేపాకు, పచ్చిమిర్చి, పల్లీలు, ఉల్లిపాయ తరుగు దోరగా వేగించి పసుపు, వంకాయ ముక్కలు వేయాలి.
Step 2
రెండు నిమిషాల తర్వాత పచ్చిబఠాణి, కారం, వాంగీబాత్‌ మసాల పొడి, ఉప్పు, చింతపండు గుజ్జు కలపాలి. మూత పెట్టి 10 నిమిషాలు మగ్గనివ్వాలి (మూడు నిమిషాలకు ఒకసారి అడుగంటకుండా ముక్కల్ని ఎగరేయాలి).
Step 3
ఇప్పుడు అన్నం, నెయ్యి కలిపి మూత పెట్టి మంట తీసేసి 10 నిమిషాలు ఉంచాలి.