chilly paneer

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే చిల్లీ పన్నీర్ ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

25 Minutes
Servings

2

కావాల్సిన పదార్ధాలు

పన్నీర్ ముక్కలు - 250 గ్రాములు,
కాప్సికం - రెండు,
ఉల్లిపాయలు - రెండు,
పచ్చిమిర్చి - 8,
వెల్లుల్లి - 4 రెబ్బలు,
టొమాటో కెచప్- ఒక టేబుల్ స్పూను,
వైట్ వెనిగర్ - ఒక టేబుల్ స్పూను,
సోయా సాస్ - రెండు టేబుల్ స్పూను,
ఉప్పు - అర టీస్పూను,
నూనె - తగినంత,
మొక్కజొన్న పిండి - 3 టీస్పూనులు

తయారు చేయు విధానం

Step 1
పనీర్ ముక్కలపై రెండు టేబుల్ స్పూన్ల మొక్కజొన్న పిండిని చల్లి... అన్ని ముక్కలకి పిండి అంటేలా టాస్ చేస్తూ కలపాలి. ముక్కలు విడిపోకుండా జాగ్రత్తగా చూసుకోవాలి. కళాయిలో నూనె వేసి కాస్త వేడెక్కాక పనీర్ ముక్కల్ని వేసి వేయించాలి.
Step 2
మీడియం మంట మీదే ముక్కలు ఎరుపు రంగులోకి వచ్చే వరకు వేయించాలి.
Step 3
వాటిని తీసి నూనె పీల్చుకునే కాగితంపై వేసి పక్కన పెట్టేయాలి.
Step 4
ఉల్లిపాయల్ని నిలువుగా 8 నుంచి 10 ముక్కలు వచ్చేలా కట్ చేయాలి. అలాగే క్యాప్సికమ్ ను నిలువుగా 8 ముక్కుల చేసుకోవాలి. పచ్చిమిర్చిని కూడా నిలువుగా కత్తిరించుకోవాలి.
Step 5
టేబుల్ స్పూను మొక్క జొన్న పిండి, టొమాటో కెచప్, వైట్ వెనిగర్ ను ఉల్లిపాయ ముక్కలు, క్యాప్సికమ్ ముక్కలకు పట్టించాలి.
Step 6
అనంతరం కళాయిల నూనె పోసి వేడెక్కాక నాలుగు వెల్లుల్లి రెబ్బలను వేయించాలి. పచ్చిమిర్చి, ఉల్లిపాయ, క్యాప్సికమ్ ముక్కల మిశ్రమాన్ని కూడా వేసి వేయించాలి. కళాయిని టాస్ చేస్తూ ముక్కల్నీ క్రిస్పీ వేగేలా చేయాలి. అనంతరం ముందుగా వేయించిన పన్నీర్ ముక్కల్ని వేయాలి.
Step 7
చివరల్లో ఓ స్పూనుడు మొక్కజొన్న పిండిని చిన్న బౌల్‌లో వేసి అందులో మూడు నుంచి అయిదు స్పూనుల నీళ్లు పోసి బాగా కలపాలి.
Step 8
ఆ మిశ్రమాన్ని స్టమ్ మీద ఉన్న పన్నీర్ ముక్కల్లో వేసి కలుపుతూ ఉండాలి. అది ఇంకిపోయాక స్టవ్ కట్టేయాలి. అంతే చిల్లీ పన్నీర్ రెడీ.