aloo kurma

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఆలూ కుర్మా ఎలా తయారుచేయాలో ఇక్కడ తెలుసుకోండి.

కావాల్సిన పదార్ధాలు

బంగాళాదుంపలు పెద్దవి: మూడు(ఉడికించి, ముక్కలుగా చేసుకొని పక్కన పెట్టుకోవాలి),
ఉల్లిపాయ పెద్దది: ఒకటి(ముక్కలుగా చేసుకోవాలి),
పచ్చిమిరపకాయలు: రెండు లేదా మూడు (పొడవుగా తరిగి పెట్టుకోవాలి), టమోటాలు: రెండు (ముక్కలుగా చేసుకోవాలి),
కరివేపాకు: కొద్దిగా,
ఎండు కారం: అర టేబుల్‌ స్పూను,
ధనియాల పొడి: టేబుల్‌ స్పూను,
ఉప్పు: రుచికి సరిపడ,
కొత్తిమీర: కొన్ని ఆకులు,
నూనె: సరిపడ
మసాలా ముద్దకు:
కొబ్బరి పొడి: రెండు స్పూన్లు,
గసాలు: టేబఉల్‌ స్పూను.
ఈ రెండు కలిపి కొద్దిగా నీరు కలిపి ముద్దగా చేసుకోవాలి.

Step 1
బాండీలో నూనె పోసి కాగిన తరువాత ఉల్లిపాయ ముక్కలు, పచ్చిమిరపకాయ ముక్కలు వేసి దోరగా వేయించుకోవాలి.
Step 2
ఇప్పుడు అల్లం వెల్లుల్లి ముద్ద వేసి మరికొద్ది సేపు దోరగా వేయించుకోవాలి. దీనికి పసుపు, కారం, ఉప్పు జత చేసి వేయించుకోవాలి ఇప్పుడు టమోటా ముక్కలు వేసుకొని కొద్దిగా నీరు పోసి బాగా ఉడికించుకోవాలి.
Step 3
టమోటాలు బాగా ఉడికిన తరువాత బంగాళాదుంప ముక్కలు, కొబ్బరి ముద్ద వేసి మరికొద్ది సేపు ఉడికించి దించే ముందు కొత్తిమీర ఆకులు వేసుకొని దించేయాలి.