kanchipuram idly

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కాంచీపురం ఇడ్లీ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

20 Minutes
Servings

2

కావాల్సిన పదార్ధాలు

ముడిబియ్యం: కప్పు,
ఇడ్లీ బియ్యం: కప్పు,
మినప్పప్పు: కప్పు,
ఉప్పు: తగినంత,
మిరియాలపొడి: 2 టీస్పూన్లు, జీలకర్ర: టీస్పూను,
శొంఠిపొడి: టీస్పూను,
తాలింపుకోసం:
నువ్వులనూనె: టేబుల్‌స్పూను,
మినప్పప్పు: 2 టీస్పూన్లు,
ఆవాలు: టీస్పూను,
కరివేపాకు: 2 రెబ్బలు,
జీడిపప్పు: పది,
ఇంగువ: పావు టీస్పూను.

తయారు చేయు విధానం

Step 1
రెండు రకాల బియ్యం, మినప్పప్పు కడిగి విడివిడిగా సుమారు రెండుగంటలపాటు నానబెట్టాలి. ముందు మినప్పప్పు రుబ్బి తరవాత బియ్యం కూడా మెత్తగా రుబ్బి రెండూ కలపాలి. ఉప్పు వేసి కలిపి సుమారు ఆరుగంటలపాటు పులియనివ్వాలి.
Step 2
మర్నాడు పిండిలో శొంఠిపొడి, మిరియాలపొడి, జీలకర్ర వేసి కలపాలి. విడిగా చిన్న బాణలిలో నూనె వేసి ఆవాలు, కరివేపాకు, జీడిపప్పు, ఇంగువ, మినప్పప్పు వేసి వేయించిన తాలింపును కూడా పిండిలో కలపాలి.
Step 3
పిండి మిశ్రమాన్ని కాంచీపురం ఇడ్లీ పాత్రల్లో మాదిరిగా ఆకుల్లోపెట్టి ఉడికించాలి. లేదంటే నెయ్యి రాసిన మామూలు ఇడ్లీ రేకుల్లో వేసి వాటిని పాత్రలో పెట్టి ఆవిరిమీద సుమారు పావుగంటసేపు ఉడికించి దించి కొబ్బరి, పల్లీ చట్నీతో వడ్డిస్తే సరి.