pongadalu

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పొంగడాలు ఎలా తయారుచేయాలో ఇక్కడ తెలుసుకోండి.

Prep Time

4 Hour 20 Minutes
Cooking Time

25 Minutes
Servings

2

కావాల్సిన పదార్ధాలు

ఇడ్లీ బియ్యం: అరకప్పు,
ముడిబియ్యం లేదా అటుకులు: అరకప్పు,
మినప్పప్పు: పావు కప్పు,
మెంతులు: అర టీస్పూను,
ఉప్పు: రుచికి సరిపడా,
తాలింపుకోసం:
ఉల్లిపాయలు: రెండు,
పచ్చిమిర్చి: నాలుగు,
కరివేపాకు: రెబ్బ,
కొబ్బరి తురుము: 2 టేబుల్‌స్పూన్లు,
మినప్పప్పు: టేబుల్‌స్పూను,
సెనగపప్పు: టేబుల్‌స్పూను,
ఆవాలు: టీస్పూను,
నూనె: టేబుల్‌స్పూను.

తయారు చేయు విధానం

Step 1
బియ్యం, మినప్పప్పు, మెంతులు అన్నీ కడిగి విడివిడిగా గిన్నెల్లో పోసి సుమారు నాలుగు గంటలపాటు నానబెట్టాలి. తరవాత అన్నీ కలిపి మెత్తగా రుబ్బి, ఉప్పు కలపాలి.
Step 2
ఈ పిండిని కనీసం ఓ పది గంటలు పులియనివ్వాలి. అది రెండింతలు అయ్యాక వేస్తే పనియారం లేదా పొంగడాలు బాగా వస్తాయి. వీటిని ఇడ్లీ లేదా దోసెపిండితోకూడా వేసుకోవచ్చు.
Step 3
ఓ బాణలిలో నూనె వేసి ఆవాలు, సెనగపప్పు, మినప్పప్పు వేసి వేయించాలి. తరవాత ఉల్లిముక్కలు, పచ్చిమిర్చి ముక్కలు, కరివేపాకు వేసి వేగనివ్వాలి. ఇప్పుడు ఈ మిశ్రమాన్నీ కొబ్బరి తురుమునీ పిండిలో కలపాలి.
Step 4
పొంగడాల పెనాన్ని స్టవ్‌మీద పెట్టి ఒక్కో గుంతలో రెండుమూడు చుక్కల నూనె వేసి, పిండి మిశ్రమాన్ని వేసి మూతపెట్టి ఓ నిమిషం ఉడికించాలి. తరవాత చెక్కస్పూనుతో దాన్ని నెమ్మదిగా రెండో వైపునకు తిప్పాలి. ఇలా రెండు వైపులా సిమ్‌లో లేదా మీడియం మంట మీద ఉడికించి దించితే చెట్టినాడ్‌ పొంగడాలు రెడీ.