egg cutlet

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఎగ్ కట్‌లెట్‌ ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

20 Minutes
Servings

1

కావాల్సిన పదార్ధాలు

గుడ్లు - రెండు, (బాగా ఉడికించి ముక్కలుగా కోసుకోవాలి),
పెద్ద బంగాళాదుంపలు - రెండు (ఉడికించి, పొట్టుతీసి మెత్తగా చిదమాలి),
ఉల్లిపాయ ముక్కలు - అరకప్పు,
అల్లంవెల్లుల్లి ముద్ద - ఒకటిన్నర చెంచా,
పచ్చిమిర్చి - ఒకటి(మెత్తగా చేసుకోవాలి),
కరివేపాకు - ఒక రెబ్బ,
పసుపు - అర చెంచా,
కారం - ముప్పావు చెంచా,
ధనియాల పొడి - చెంచా,
గరంమసాలా - అర చెంచా,
కొత్తిమీర తరుగు - పావుకప్పు,
గుడ్డు - ఒకటి(ఉప్పు కలిపి గిలకొట్టుకోవాలి),
బ్రెడ్‌పొడి - ముప్పావు కప్పు,
నూనె - వేయించేందుకు సరిపడా.

తయారు చేయు విధానం

Step 1
బాణలిని పొయ్యిమీద పెట్టి చెంచా నూనె వేయాలి. అది వేడయ్యాక ఉల్లిపాయ ముక్కలూ, అల్లంవెల్లుల్లి ముద్దా, పచ్చిమిర్చి ముద్దా, కరివేపాకు తరుగూ, కాస్త ఉప్పూ వేసి వేయించాలి. ఉల్లిపాయ ముక్కలు వేగాక పసుపూ, కారం, ధనియాలపొడీ, గరంమసాలా వేయాలి.
Step 2
అందులో చిదిమిన బంగాళాదుంప వేసి మరొకసారి కలపాలి. చివరగా ఉప్పు సరిచూసి కొత్తిమీర చల్లి బాగా కలిపి దించేయాలి. చేతికి నూనెను రాసుకుని ఆలూ మిశ్రమాన్ని చిన్న ముద్దలుగా చేసుకోవాలి. ఆ తర్వాత ఓ ముద్ద తీసుకుని కాస్త వెడల్పుగా చేసి దీంట్లో గుడ్డు ముక్కను పెట్టి మూసేయాలి.
Step 3
ఇలా మిగిలినవీ చేసుకోవాలి. గిలకొట్టిన గుడ్డు సొనలో దీన్ని ముంచి, బ్రెడ్‌ పొడిలో అటు ఇటు దొర్లించాలి. ఇలా చేసుకున్న వాటిని వేడి నూనెలో వేసి బంగారు రంగు వచ్చేవరకు వేయించాలి. ఇవి వేడి వేడిగా తింటే బాగుంటాయి.