Jack Fruit Masala Recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పనసకాయ మసాలా కుర్మా కూర ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

25 Minutes
Servings

3

కావాల్సిన పదార్ధాలు

పనసకాయ ముక్కలు - 3 కప్పులు
చింతపండు-పెద్ద నిమ్మకాయంత
అల్లం&వెల్లుల్లి పేస్ట్ -2 స్పూన్స్
ఉల్లిముద్ద -1 కప్పు
తరిగిన ఉల్లిపాయల ముక్కలు-1కప్పు
గరం మసాలా పొడి- 2 స్పూన్స్
పొడి కారం -2స్పూన్స్
ఉప్పు -రుచికి సరిపడినంత
పసుపు -చిటికెడు
జీడిపప్పు -50గ్రాములు
కొత్తిమీర -కొంచంగా
పోపు దినుసులు - తగినన్ని
నూనె -150గ్రాములు

తయారు చేయు విధానం

Step 1
ముందుగా పనసకాయ ముక్కల్ని స్క్వేర్ షేప్ లో కట్ చేసుకుని ఉంచుకోవాలి.
Step 2
స్టవ్ వెలిగించి ఒక గిన్నెలో పనసకాయ ముక్కల్ని చింతపండు రసం,ఉప్పు,పసుపు వేసి 20 నిమిషాలు ఉడికించి పక్కన పెట్టుకోవాలి.
Step 3
ఒక బాణలిలో నూనె వేసి పోపు దినుసులు వేసుకుని అవి వేగాకా జీడిపప్పు,ఉల్లిముక్కలు వేసి అవి కూడా వేగాక అల్లం వెల్లుల్లి పేస్టు & ఉల్లిముద్ద వేసి పచ్చి వాసన పోయేంతవరకు బాగా వేయించాలి.
Step 4
ఇప్పుడు అందులో ఉడికించి పక్కన పెట్టుకున్న పనస ముక్కల్ని వేసి గరం మసాల పొడి,కారం వేసి, ఒక గ్లాస్ నీళ్ళు పోసి బాగా ఉడికించాలి.
Step 5
ఎంతవరకు అంటే నీరు అంతా పోయి నూనె పైకి తేలేంతవరకు.
Step 6
అంతే ఇప్పుడు తయారైన కూరని ఒక డిష్ లోకి తీసుకుని కొత్తిమీరతో గార్నిష్ చేసుకోవటమే.