gobi-65 recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే గోబీ 65 ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

20 Minutes
Servings

1

కావాల్సిన పదార్ధాలు

క్యాలీఫ్లవర్‌ ముక్కలు - 2 కప్పులు,
ఉల్లిపాయ - 1
మైదా - అరకప్పు,
మొక్కజొన్న పిండి - పావుకప్పు
ఉప్పు - సరిపడా,
నీళ్లు - 1 కప్పు,
బేకింగ్‌ సోడా - చిటికెడు
చిల్లీసాస్‌ - 1 టీ స్పూన్‌,
సోయాసాస్‌ - 1 టీ స్పూన్‌
నూనె - వేయించడానికి సరిపడా,
కొత్తిమీర - కొంచెం

తయారు చేయు విధానం

Step 1
క్యాలీఫ్లవర్‌ ముక్కలను ఐదు నిమిషాలు ఉడకబెట్టాలి. అందులో నీళ్లను పూర్తిగా వంపేయాలి.
Step 2
గిన్నెలో కార్న్‌ఫ్లోర్‌, మైదా, ఉప్పు, బేకింగ్‌ సోడా వేసి పకోడీపిండిలా కొంచెం జారుగా కలపాలి. బాండీలో నూనె పోసి బాగా కాగనివ్వాలి.
Step 3
కలిపిపెట్టుకున్న పకోడీ పిండిలో ఉడికించిన క్యాలీఫ్లవర్‌ ముక్కలు ముంచి కాగిన నూనెలో వేయాలి. వీటిని బంగారు రంగు వచ్చేవరకు వేయించాలి. తర్వాత మరొక బాండీలో రెండు టీ స్పూన్ల నూనె వేసి వేడి చెయ్యాలి.
Step 4
అందులో ఉల్లిపాయ ముక్కలు వేసి పచ్చివాసన పోయే వరకు వేయించుకోవాలి.
Step 5
తర్వాత వేయించిన క్యాలీఫ్లవర్‌ పకోడీలను అందులో వేసి సోయాసాస్‌, చిల్లీసాస్‌ వేసి కలపాలి. పైన కొత్తిమీర వేసి అలంకరిస్తే చాలు. గోబీ 65 రెడీ.