chicken rolls

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే చికెన్ రోల్స్ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

30 Minutes
Servings

6

కావాల్సిన పదార్ధాలు

చపాతీలు - 6,
ఉల్లిపాయ - ఒకటి,
క్యాప్సికమ్ - 1,
క్యారట్ - 1,
మేయన్నాస్ - తగినంత (ఇది అన్ని సూపర్ మార్కెట్లలో దొరుకుతుంది)
చికెన్ ఫిల్లింగ్ కోసం:
ఎముకలేని చికెన్ - పావు కిలో,
ఉల్లిపాయ - పెద్దది ఒకటి,
పచ్చిమిర్చి - నాలుగు,
అల్లం వెల్లుల్లి పేస్టు - ఒక టీ స్పూను,
ధనియాల పొడి - ఒక టీ స్పూన్,
చికెన్ మసాలా పొడి - రెండు టీ స్పూనులు,
షాజీరా - చిటికెడు,
కారం - ఒక టీస్పూను,
ఉప్పు - రుచికి సరిపడా,
కరివేపాకు - గుప్పెడులో సగం,
కొత్తిమీర తరుగు- రెండు టీ స్పూనులు,
పుదీనా తరుగు- రెండు టీ స్పూనులు,
నూనె - తగినంత

తయారు చేయు విధానం

Step 1
ముందుగా చపాతీలు తయారుచేసుకుని పక్కన పెట్టుకోవాలి. ఇప్పుడు చికెన్ ఫిల్లింగ్ రెడీ చేయాలి.
Step 2
ముందుగా చికెన్ను చిన్న చిన్న ముక్కలుగా కోసుకోవాలి. ఆ ముక్కలకి పసుపు, ఉప్పు, అల్లం వెల్లుల్లి పేస్టు వేసి మారినేట్ చేయాలి.
Step 3
ఒక 20 నిముషాల పక్కన పెట్టేయాలి. ఇప్పుడు కళాయిలో నూనెవేసి స్టవ్ మీద పెట్టాలి. నూనె వేడెక్కాక షాజీరా, కరివేపాకు, పుదీనా, ఉల్లిపాయ ముక్కలు వేసి వేపాలి.
Step 4
తరువాత అల్లం వెల్లుల్లి పేస్టు వేసి వేపాలి. అవి వేగాక ముందుగా మారినేషన్ చేసిన చికెన్ ముక్కల్ని వేసి మూత పెట్టి పదినిమిషాలు ఉడకనివ్వాలి.
Step 5
తరువాత కాస్త ధనియాల పొడి, జీలకర్ర పొడి, చికెన్ మసాలా, కారం వేసి బాగా కలిపి మూత పెట్టేయాలి.
Step 6
ఓ పదినిముషాల తరువాత చూస్తే నీరు బాగా ఇంకి పోతుంది. అప్పుడు ఓ అయిదు నిమిషాల పాటూ కలుపుతూ, బాగా వేయించాలి.
Step 7
చికెన్ ఫిల్లింగ్ సిద్ధమైనట్టే.ఇప్పుడు చపాతీని తీసుకుని మధ్యలో మయోన్నాస్ పూయాలి. పూసిన ప్రదేశంలోనే తరిగిన ఉల్లిపాయ ముక్కలు, క్యాప్సికం, కేరట్ ముక్కలు పరిచి వాటిపై రెడీ చేసిన చికెన్ ఫిల్లింగ్ ను వేసి రోల్ లా చుట్టాలి. ఇప్పుడు దానిని తింటే మంచి రుచిగా ఉంటుంది.