coconut chicken curry recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కొబ్బరిపాల చికెన్ కర్రీ ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

25 Minutes
Servings

1-7

కావాల్సిన పదార్ధాలు

చికెన్‌- ఒక కేజీ,
పెరుగు- అర కప్పు,
కొబ్బరిపాలు- ముప్పావు కప్పు,
నిమ్మరసం- ఒక టీ స్పూను,
పసుపు- పావు టీ స్పూను,
దనియాల పొడి- ఒక టేబుల్‌ స్పూను,
జీలకర్ర పొడి- పావు టీ స్పూను,
కారం- రెండు టీ స్పూన్లు,
గసగసాలు- ఒక టీ స్పూను,
పాలు- ఒక టీ స్పూను,
తరిగిన ఉల్లిపాయలు- రెండు,
గరం మసాలా- ఒక టీ స్పూను,
అనాస పువ్వు- ఒకటి,
దాల్చిన చెక్క- చిన్న ముక్క,
సన్నగా తరిగిన కొత్తిమీర- రెండు టేబుల్‌ స్పూన్లు,
నూనె- రెండు టేబుల్‌ స్పూన్లు,
అల్లంవెల్లుల్లి ముద్ద- రెండు టీ స్పూన్లు,
తరిగిన పచ్చిమిర్చి- ఒక టీ స్పూను,
ఉప్పు- తగినంత.

తయారు చేయు విధానం

Step 1
చికెన్‌ను కడిగి పెరుగు, దనియాల పొడి, పసుపు, జీలకర్ర పొడి, నిమ్మరసం, సగం అల్లంవెల్లుల్లి ముద్ద వేసి కలిపి 10 నిమిషాలు నానబెట్టుకోవాలి.
Step 2
పాలల్లో గసగసాలు నానబెట్టి మెత్తగా రుబ్బుకోవాలి. కుక్కర్‌లో నూనె పోసి వేడెక్కాక అనాస పువ్వు, దాల్చిన చెక్క, ఉల్లిపాయలు వేసి వేగించాలి.
Step 3
తర్వాత మిగిలిన అల్లంవెల్లుల్లి ముద్ద, పచ్చిమిర్చి, కారం వేసి వేగించాలి.
Step 4
ఆ తర్వాత నానబెట్టిన చికెన్‌ వేసి బాగా కలిపి 5 నిమిషాలు పెద్దమంట మీద ఉడకనివ్వాలి.
Step 5
తర్వాత ఉప్పు, గసగసాల ముద్ద వేసి కొద్దిగా నీళ్లు పోసి ఉడకనివ్వాలి.
Step 6
5 నిమిషాల తర్వాత గరంమసాలా, కొబ్బరిపాలు వేసి బాగా కలిపి మరో 5 నిమిషాలు ఉడకనివ్వాలి. చివర్లో కొత్తిమీర వేసి దించేయాలి.