maharastra chicken recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మహారాష్ట్ర చికెన్‌ ఎలా తయారుచేయాలో ఇక్కడ తెలుసుకోండి

కావాల్సిన పదార్ధాలు

చికెన్‌ - 200 గ్రా.,
అల్లంవెల్లుల్లి పేస్టు - 1 టీ స్పూను,
పచ్చిమిర్చి పేస్టు - అర టీ స్పూను,
ఎండు కొబ్బరి - 100 గ్రా.,
దనియాలు - 1 టీ స్పూను,
ఎండు మిర్చి - 2,
నువ్వులు అర టీ స్పూను,
నూనె - 2 టేబుల్‌ స్పూన్లు,
చిన్న ఉల్లిపాయ - 1,
పసుపు - చిటికెడు,
కారం - అర టేబుల్‌ స్పూను,
పెరుగు - 1 టేబుల్‌ స్పూను,
గరం మసాల - యాలకులు (2), దాల్చిన చెక్క (అంగుళం ముక్క), లవంగాలు ( 3), బిర్యాని ఆకు (1) ,
గోదా మసాల పొడి (మార్కెట్లో దొరుకుతుంది) - 1 టీ స్పూను,
కొత్తిమీర తరుగు - 1 టేబుల్‌ స్పూను,
ఉప్పు - రుచికి తగినంత,
నీరు - ఒకటిన్నర కప్పు.

Step 1
చికెన్‌ ముక్కలకు సగం అల్లం వెల్లుల్లి, పచ్చిమిర్చి ముద్దను పట్టించి అరగంట పక్కనుంచాలి.
Step 2
నూనెలో గరం మసాల దినుసులు, ఉల్లి తరుగు, మిగిలిన అల్లం వెల్లుల్లి, పచ్చిమిర్చి పేస్టులు వేసి దోరగా వేగించాలి.
Step 3
ఇప్పుడు గోదా మసాల, ఉప్పు, కారం, పసుపులతో పాటు ముక్కలు వేయాలి.
Step 4
మసాలా ముక్కలకు పట్టిన తర్వాత నీరు కలిపి ఉడికించాలి.
Step 5
10 నిమిషాల తర్వాత కొబ్బరి, దనియాలు, ఎండుమిర్చి, నువ్వులను వేగించి గ్రైండ్‌ చేసిన పేస్టు కలపాలి.
Step 6
దించేముందు పెరుగు కలిపి చిటికెడు గోదా మసాల, కొత్తిమీర చల్లాలి. ఈ కర్రీ అన్నంతో మంచి కాంబినేషన్‌.