paneer paratha recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పన్నీర్‌ పరోటా ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

10 Minutes
Servings

1-3

కావాల్సిన పదార్ధాలు

గోధుమ పిండి - రెండున్నర కప్పులు
నీళ్లు - తగినన్ని ,
నెయ్యి లేదా నూనె - 1 టీస్పూను ,
ఉప్పు - తగినంత.
స్టఫింగ్‌ కోసం:
పన్నీర్‌ - 200 గ్రా ,
పచ్చిమిర్చి తరుగు - 2 టీస్పూన్లు
కారం - అర టీస్పూను,
గరం మసాలా పౌడర్‌ - అర టీస్పూను.
ఆమ్‌చూర్‌ -అర టీస్పూను,
ఉప్పు - తగినంత
నెయ్యి లేదా నూనె - తగినంత.

తయారు చేయు విధానం

Step 1
గోధుమపిండిలో ఉప్పు, నెయ్యి వేసి కలపాలి.
Step 2
నీళ్లు పోస్తూ పిండి ముద్దగా చేసుకోవాలి. ముద్ద చేసుకున్న తర్వాత మూత పెట్టి 30 నిమిషాలు నాన బెట్టుకోవాలి.
Step 3
ఈలోగా స్టఫింగ్‌ తయారుచేసుకోవాలి.
Step 4
పచ్చిమిర్చి, ఆమ్‌చూర్‌, గరం మసాలా, కారం, ఉప్పు, పన్నీర్‌ గిన్నెలో వేసి బాగా కలుపుకోవాలి.
Step 5
పిండి ముద్ద ఉండలుగా చేసుకుని పరోటా ఒత్తుకోవాలి.
Step 6
పరోటా పైన స్టఫింగ్‌ పరుచుకోవాలి. మరీ అంచులవరకూ కాకుండా ఒక అంగుళం గ్యాప్‌ ఉంచి స్టఫింగ్‌ పరుచుకోవాలి.
Step 7
తర్వాత పైన మరో పరోటా ఉంచి అంచులు కలుపుకోవాలి.
Step 8
తర్వాత పిండి చల్లి మరోసారి ఒత్తుకోవాలి. ఇలా అన్నీ తయారుచేసి పెట్టుకున్న తర్వాత పెనం మీద నూనె వేసి రెండు వైపులా కాల్చుకోవాలి.