ragandi fish

మాములు చేపల పులుసుకన్నా ఈ రాగండి చేపల పులుసు చాలా రుచిగా ఉంటుంది. ఇది
తయారుచేసుకోవడము కూడా సులువు. దీనిని ఎలా తయారుచేసుకోవాలో నేర్చుకుందాం.

Prep Time

15 Minutes
Cooking Time

30 Minutes
Servings

Null

కావాల్సిన పదార్ధాలు

1 కప్పు చింతపండు గుజ్జు
2 టేబుల్ స్పూన్లు కొత్తిమీర తురుము
తగినంత నూనె
తగినంత ఉప్పు
చిటికెడు పసుపు
2 టేబుల్ స్పూన్ కారం
1 టేబుల్ స్పూన్ అల్లంవెల్లుల్లిపేస్ట్
5 పచ్చిమిర్చి
2 ఉల్లిపాయలు
1 కేజీ రాగండి చేపలు

తయారు చేయు విధానం

Step 1
ముందుగా చేపలను శుభ్రం చేసుకుని ముక్కలు కట్ చేకోవాలి.
Step 2
పొయ్యి మీద చేపలగిన్నె పెట్టుకుని నూనె పోయాలి. నూనె వేడెక్కాక ఉల్లి, పచ్చిమిర్చి ముక్కలు వేసి వేగనివ్వాలి. తర్వాత పసుపు, ఉప్పు, కారం, అల్లంవెల్లుల్లి పేస్టు వేసి వేపాలి.
Step 3
అందులోనే చేప ముక్కల్ని వేసి ఉప్పు, కారం బాగా పట్టేలా కలపాలి. సన్న సెగమీద కాసేపు ఉడకనివ్వాలి. ఆ తర్వాత చింతపండు పులుసు పోసి చేప ముక్కలు చితకకుండా కలపాలి.
Step 4
మూతపెట్టి సన్న సెగమీద పులుసు చిక్కగా అయ్యేంతవరకు ఉడకనివ్వాలి. ఆఖరులో ధనియాలు, జీలకర్ర పొడి వేసి గిన్నె కదపాలి. ఆ తర్వాత కొత్తిమీర తురుము చల్లుకుని కొద్దిసేపు ఉంచి దించేయాలి. అంతే రాగండి చేపల పులుసు రెడీ.