Coco Bar recipe recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కోకోబార్ ఎలా తయారుచేయాలో ఇక్కడ తెలుసుకోండి

Prep Time

20 Minutes
Cooking Time

25 Minutes
Servings

1-4

కావాల్సిన పదార్ధాలు

పచ్చికొబ్బరి తురుము - 2 కప్పులు
పంచదార - 2 కప్పులు
స్కిమ్డ్ మిల్క్ పౌడర్ - 3/4 కప్పు
కాచిచల్లార్చిన పాలు -2 కప్పులు
ఫుడ్ కలర్ - కొద్దిగ
కోకోనట్ఎసెన్స్ - 1 1/4 స్పూన్

తయారు చేయు విధానం

Step 1
ముందుగా కొబ్బరి తురుముని ఒక గిన్నెలోకి తీసుకోని అందులో పాలు, స్కిమ్డ్ మిల్క్ పౌడర్ వేసి స్టవ్ మీద పెట్టి గట్టి పడేవరకూ కలుపుతూ ఉడికించాలి.
Step 2
అడుగు అంటకుండా చిన్న మంట పై నీళ్ళన్ని ఆవిరి అయ్యే వరకు వుడకనిచ్చి అందులో పంచదారని పోయాలి.
Step 3
ఇప్పుడు పంచదార కరిగి ఈ మిశ్రమం తిరిగి పలచబడుతుంది. తరువాత మరల గట్టి పడే వరకూ ఉంచి ఎసెన్స్, ఫుడ్ కలర్ వేసి బాగా కలిపి దించాలి.
Step 4
ఇప్పుడు ఒక ప్లేట్ కి నెయ్యి రాసి ఈ మిశ్రమాన్ని పోసి సమానంగా చేసుకోవాలి.
Step 5
చల్లారిన తరువాత చాకుతో పొడవుగా అంగుళం వెడల్పుగా ముక్కలు కట్ చేసుకోవాలి.
Step 6
అంతే ఎంతో రుచికరమైన కోకోబార్ తయార్. వీటిని రంగుకాగితంలో చుట్టి పిల్లలకు యీస్తే చాలా ఇష్టంగా తింటారు.