banana crispie

అరటికాయ ఆరోగ్యానికి చాలా మంచిది. దీనితో క్రిస్పీ బనానా ఫ్రై చేసుకోవచ్చు ఇది బెస్ట్ సైడ్
డిష్, దీనిని తయారు చేసుకోవడము చాలా సులువు. రుచికరమైన సైడ్ డిష్ క్రిస్పీ బనానా
ఎలా తయారుచేసుకోవాలో నేర్చుకుందాం.

Prep Time

10 Minutes
Cooking Time

25 Minutes
Servings

Null

కావాల్సిన పదార్ధాలు

1 కట్ట కొత్తిమీర
అరటీస్పూన్ ధనియాలపొడి
అరటీస్పూన్ మిరియాలపొడి
తగినంత నూనె
2 టేబుల్ స్పూన్లు పచ్చిమిర్చి
1 టీ స్పూన్ జీడిపప్పు
4 ఎండుమిర్చి
1 టీస్పూన్ కారం
1 టీ స్పూన్ జీలకర్ర
2 రెమ్మలు కర్వేపాకు
అరకప్పు ఉల్లితరుగు
అరటీస్పూన్ అల్లంవెల్లుల్లి పేస్ట్
తగినంత ఉప్పు
1 టీస్పూన్ కార్న్ ఫ్లోర్
1 టీ స్పూన్ మైదా
టీ స్పూన్ శనగపిండి
1 అరటికాయ

తయారు చేయు విధానం

Step 1
ముందుగా అరటికాయ చెక్కు తీసి చిన్నచిన్న ముక్కలుగా కట్ చేసుకోవాలి.
Step 2
బాణలిలో నూనె పోసి వేడయ్యాక అరటికాయ ముక్కలను నూనెలో వేసి వేయించి పక్కన పెట్టుకోవాలి.
Step 3
మరో బాణలిలో కొద్దిగా నూనె వేసి కాగాక ఎండుమిర్చి, ఉల్లితరుగు వేసి గోధుమరంగు వచ్చేవరకు వేయించాలి. వేగాక అందులో అల్లంవెల్లుల్లి ముద్ద, పచ్చిమిర్చి తరుగు, కరివేపాకు, జీలకర్ర వేసి మరోమారు వేయించాలి.
Step 4
తరవాత జీడిపప్పుపొడి, ఉప్పు, కారం వేసి బాగా కలిపి అందులో వేయించుకున్న అరటికాయ ముక్కలను వేసి బాగా కలపాలి. ఒక గిన్నెలో శనగపిండి, మైదా, కార్న్‌ఫ్లోర్, కొద్దిగా నీరుపోసి జారుగా కలుపుకోవాలి. ఆ మిశ్రమాన్ని ముక్కల మీద పోసి బాగా కలపాలి. ముక్కలు దగ్గర పడిన తరవాత ధనియాలపొడి, మిరియాలపొడి వేసి బాగా కలిపి దింపేసి, కొత్తిమీరతో గార్నిష్ చేయాలి.