Aloo Amritsari recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఆలు అమృత్‌సరి ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

25 Minutes
Servings

1-5

కావాల్సిన పదార్ధాలు

బంగాళాదుంపలు - నాలుగు
శెనగపిండి - రెండు టేబుల్ స్పూన్లు
అల్లం వెల్లుల్లి పేస్ట్ - ఒక టేబుల్‌స్పూన్
పచ్చిమిర్చి - మూడు (సన్నగా తరగాలి)
ఉల్లిపాయలు - రెండు (తరగాలి)
టొమాటోలు - మూడు (సన్న ముక్కలుగా తరగాలి)
జీలకర్ర, కారం, అనార్ దానా పొడి (ఎండపెట్టిన దానిమ్మగింజల పొడి) - ఒక్కోటి అర టీస్పూన్ చొప్పున
పసుపు - కొద్దిగా
ధనియాల పొడి - ఒక టేబుల్ స్పూన్
గరం మసాలా పొడి - ఒక టీస్పూన్
వాము, బేకింగ్‌సోడా - ఒక్కోటి చిటికెడు చొప్పున
ఆమ్‌చూర్ పొడి - పావు టీస్పూన్
నెయ్యి - ఒకటేబుల్ స్పూన్
నూనె - సరిపడా
ఉప్పు - రుచికి సరిపడా.

తయారు చేయు విధానం

Step 1
బంగాళాదుంపల పొట్టు తీసి పొడవైన ముక్కలుగా కోసుకోవాలి.
Step 2
శెనగపిండి, ఉప్పు, జీలకర్ర పొడి, వాము, దానిమ్మ గింజల పొడి, కారం, పసుపు, ధనియాల పొడి, బేకింగ్ సోడా, అర టీస్పూన్ నెయ్యిలను ఒక గిన్నెలో వేసుకోవాలి.
Step 3
నెమ్మది నెమ్మదిగా నీళ్లు పోస్తూ చిక్కగా కలుపుకోవాలి.
Step 4
ఇందులో బంగాళా దుంపల ముక్కల్ని వేసి అరగంటపాటు పక్కన పెట్టుకోవాలి.
Step 5
పెద్ద గిన్నెలో వేగించడానికి సరిపడా నూనె పోసి నానిన బంగాళాదుంప ముక్కల్ని వేసి బాగా వేగించాలి.
Step 6
నూనె పీల్చుకునే పేపర్ మీద వాటిని వేయాలి.
Step 7
ఆ తరువాత మిగిలిన నెయ్యిని ఒక నాన్‌స్టిక్ పాన్‌లో వేసుకుని అందులో ఉల్లిపాయ తరుగు వేసి మెత్తగా అయ్యే వరకు వేగించాలి.
Step 8
తరువాత పచ్చిమిర్చి, టొమాటో ముక్కలు మిగిలిన పదార్ధాలన్నింటినీ వేసి కలిపి పాన్ మీద మూతపెట్టి ఏడు నిమిషాల పాటు సన్నని సెగ మీద ఉడికించాలి.
Step 9
గ్రేవీ చిక్క బడిన తరువాత వేగించిన బంగాళాదుంప ముక్కల్ని వేసి కలియపెట్టాలి. మరో నాలుగు నిమిషాల పాటు ఉడికించి కొత్తిమీర చల్లి అలంకరించాలి.