Chicken pulav recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కోడి పలావ్ ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

20 Minutes
Servings

2-4

కావాల్సిన పదార్ధాలు

కోడి మాంసం -1/2 కేజీ ,
ఉప్పు -1 టీస్పూన్ ,
పసుపు -1/4 టీస్పూన్ ,
కారం -1టీస్పూన్,
బిరియాని మసాలా పొడి /గరం మసాలా పొడి -1 టీస్పూన్,
యాలకలు -2,
లవంగాలు -3,
చెక్క -అరంగుళం ,
జీలకర్ర -1/4 టీస్పూన్
,జాజిపువ్వు -1,
జవిత్రి -1,
అనాసపువ్వు -2,
బిరియాని ఆకు (బే లీఫ్ )- 1,
పచ్చిమిర్చి -2,
పుదీనా -2 రెమ్మలు ,
కొత్తిమీర -2 రెమ్మలు ,
నిమ్మ రసం - 1 టీస్పూన్,
పెరుగు - 4 టేబుల్ స్పూన్లు ,
బియ్యం (బాస్మతి బియ్యం అయినా వాడవచ్చు) -1.1/2 గ్లాసు(300 ml)
ఉల్లిపాయ -1,
నెయ్యి /నూనె -2 టేబుల్ స్పూన్లు.

తయారు చేయు విధానం

Step 1
ముందుగా కోడి మాంసాన్ని బాగా శుభ్రపరుచుకోవాలి.
Step 2
ఒక గిన్నె తీసుకుని అందులో కోడి మాంసం ,ఉప్పు ,పసుపు ,కారం ,బిరియాని మసాలా పొడి /గరం మసాలా పొడి, యాలకలు, లవంగాలు, చెక్క ,జీలకర్ర ,జాజిపువ్వు, జవిత్రి , అనాసపువ్వు, బిరియాని ఆకు (బే లీఫ్ ), పచ్చిమిర్చి, పుదీనా,నిమ్మరసం, కొత్తిమీర మరియు పెరుగు వేసి బాగా కలపి 15 నిమిషాలు పక్కన పెట్టుకోవాలి. బియ్యాన్ని శుభ్రంగా కడిగి 15 నిమిషాలు నానబెట్టాలి.
Step 3
కుక్కర్ లో నెయ్యి /నూనె వేసి స్టవ్ మీద పెట్టాలి. నూనె /నెయ్యి వేడి ఎక్కిన తరవాత సన్నగా తరిగిన ఉల్లిపాయలు వేసి ఎర్రగా వేపుకోవాలి.
Step 4
తర్వాత మ్యారినేట్ చేసిన కోడి మాంసాన్ని మరియు నానబెట్టిన బియ్యాన్ని వేయాలి. 1.1/2 గ్లాస్సుల బియ్యానికి 2.1/4 గ్లాసుల నీళ్లు పోసి ఒకసారి ఆ నీటిని రుచి చూసి ఉప్పు మరియు కారం సరిపోయిందో లేదో చూసుకుని, కుక్కర్ మూత పెట్టి 2 లేక 3 విస్టల్స్ వచ్చేదాకా ఉడికించుకోవాలి.
Step 5
కుక్కర్ లేనివారు రైస్ కుక్కర్ లో ఉడికించుకోవచ్చు. అంతే గుమగుమలాడే కోడి పలావ్ రెడీ.