Aloo Soup recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఆలు సూప్ ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

20 Minutes
Servings

2-4

కావాల్సిన పదార్ధాలు

ఆలు (పొట్టుతీసి, ముక్కలు కోసి)- మూడు,
పెద్ద ఉల్లిపాయ (తరిగి)- ఒకటి,
పచ్చిమిర్చి (నిలువుగా కోసి) - ఐదు,
అల్లం (సన్నగా తరిగి) - చిన్న ముక్క,
చిక్కటి కొబ్బరి పాలు - ఒక కప్పు,
పలుచటి కొబ్బరి పాలు - ఒక కప్పు,
నీళ్లు - సరిపడా,
కరివేపాకు రెబ్బలు - రెండు,
ఉప్పు - సరిపడా,
కొబ్బరి నూనె - ఒక టేబుల్ స్పూన్.

తయారు చేయు విధానం

Step 1
పలుచటి కొబ్బరి పాలను కుక్కర్లో పోసి అందులో బంగాళాదుంప, ఉల్లిపాయ, పచ్చిమిర్చి, అల్లం ముక్కలు వేయాలి.
Step 2
ఉప్పు వేసి, నీళ్లు పోసి స్టవ్ వెలిగించాలి. రెండు విజిల్స్ వచ్చే వరకు ఉంచి తరువాత మూత తెరిచి మంట తగ్గించి చిక్కటి కొబ్బరి పాలు పోయాలి.
Step 3
రెండు నిమిషాలు ఉడికిన తరువాత కొబ్బరి నూనె, కరివేపాకులు వేసి స్టవ్ ఆపేయాలి.
Step 4
కుక్కర్ మీద మూత కొన్ని నిమిషాల పాటు అలానే ఉంచితే నూనె, కరివేపాకుల సువాసనలు సూప్లోకి ఇంకి కమ్మటి వాసన వస్తుంది.
Step 5
ఈ సూప్ను ఆపం లేదా ఇడియాపంతో తీసుకుంటారు. శాండ్విచ్ బ్రెడ్, చపాతి, పూరి, అన్నంతో పాటు తీసుకున్నా బాగానే ఉంటుంది.
Step 6
వేగించిన బ్రెడ్ క్రంబ్స్తో కూడా రుచిగా ఉంటుంది. కారంగా కావాలనుకుంటే గరం మసాలా వేసుకోవచ్చు.
Step 7
క్యారెట్, పచ్చి బఠాణీ, కాలీఫ్లవర్, బీన్స్ వంటి కూరగాయలను వేసుకుంటే ఇదే మిక్స్డ్ వెజిటబుల్ సూప్ అవుతుంది.