Samosa recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే సమోసా ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

30 Minutes
Servings

2-4

కావాల్సిన పదార్ధాలు

మైదా- కప్పు
బటర్ - 2 టీ స్పూన్లు
బంగాళదుంపలు - 2
పచ్చి బఠాణీలు - అర కప్పు
పచ్చిమిర్చి - 2 (సన్నగా తరగాలి)
కొత్తిమీర తరుగు - అర కప్పు
కారం - అర టీ స్పూన్
బేకింగ్ సోడా - కొద్దిగా
ఉప్పు - రుచికి తగినంత
ఉల్లిపాయ తరుగు - టేబుల్ స్పూన్
నూనె - వేయించడానికి తగినంత

తయారు చేయు విధానం

Step 1
బంగాళదుంపలను ఉడికించి, పొట్టు తీసి, ముక్కలుగా కట్ చేసుకోవాలి.
Step 2
పిండిలో ఉప్పు, బేకింగ్ సోడా, బటర్ వేసి, తగినన్ని నీళ్లు పోసి ముద్దలా కలిపి పక్కనుంచాలి.
Step 3
పాన్‌లో రెండు టేబుల్ స్పూన్ల నూనె వేసి వేడి చేయాలి. ఇందులో ఉల్లిపాయలు, పచ్చిమిర్చి, బఠాణీలు వేసి వేయించాలి.
Step 4
తర్వాత అల్లం పేస్ట్, ఉప్పు, కారం, బంగాళదుంప ముక్కలు వేసి వేయించి దించాలి.
Step 5
పిండిని చిన్న చిన్న ముద్దలు చేసుకొని పీట మీద కొద్దిగా మందంగా ఒత్తుకోవాలి.
Step 6
ట్రయాంగిల్ వచ్చేలా కట్ చేసుకోవాలి. నీళ్లను అద్దుకుంటూ కోన్ షేప్ చేసి, అందులో ఉడికించిన బంగాళదుంప మిశ్రమాన్ని పెట్టి అంచులు మూసేయాలి.
Step 7
వీటిని కడాయిలో నూనె కాగిన తర్వాత వేసి రెండు వైపులా బంగారు రంగులోకి వచ్చేంతవరకు వేయించి, తీయాలి.
Step 8
వేడి వేడిగా టొమాటో లేదా సోయా సాస్‌తో సర్వ్ చేయాలి.