Chicken Fried Rice

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే చికెన్ ఫ్రైడ్ రైస్ ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

45 Minutes
Servings

2-4

కావాల్సిన పదార్ధాలు

చికెన్ (బోన్ లెస్ ): 1/4 kg
ఉడికించిన అన్నం : 1 కప్
ఉల్లిపాయ : 1
పచ్చిమిర్చి : 2
క్యాబేజీ తురుము : 2 స్పూన్స్
క్యాప్సికమ్ ముక్కలు : 2 స్పూన్స్
క్యారెట్ తురుము : 2 స్పూన్స్
బీన్స్ ముక్కలు :2 స్పూన్స్
ఉల్లికాడ ముక్కలు :2 స్పూన్స్
కర్వేపాకు : 1 రెమ్మ
అల్లంవెల్లుల్లి పేస్ట్ : 1 స్పూన్
పసుపు :1 స్పూన్
కారం : 1 స్పూన్
సాల్ట్ : తగినంత
కార్న్ ఫ్లోర్ : 2 స్పూన్స్
గరం మసాలా : 1 టేబుల్ స్పూన్
సొయా సాస్ : 1 టేబుల్ స్పూన్
నిమ్మకాయ : 1/2 చెక్క
కొత్తిమీర : 2 స్పూన్స్
ఆయిల్ : సరిపడంత

తయారు చేయు విధానం

Step 1
ముందుగా ఒక గిన్నెలో చికెన్ ముక్కలు తీసుకుని , అందులో పసుపు, కారం, సాల్ట్, అల్లంవెల్లుల్లి పేస్ట్, గరం మసాలా, కార్న్ ఫ్లోర్ వేసి బాగా కలుపుకోవాలి. ఈ మిశ్రమాన్ని 15 నిముషాలు పక్కన వుంచుకోవాలి. తరువాత పాన్ పెట్టి ఆయిల్ వేసి చికెన్ ముక్కలు వేసి వేయించుకుని తీసుకోవాలి .
Step 2
ఇప్పుడు వేరే పాన్ పెట్టి కొంచెం ఆయిల్ వేసి, ఆయిల్ వేడెక్కాక ఉల్లిపాయ మరియు పచ్చిమిర్చి ముక్కలు , కరివే పాకు వేసి వేయించుకోవాలి.
Step 3
అందులో క్యాబేజ్ తురుము , క్యాప్సికమ్ ముక్కలు, బీన్స్ ముక్కలు, క్యారెట్ తురుము వేసి వేపుకోవాలి . తరువాత ఇందులో పసుపు కారం సాల్ట్ వేసి కలుపుకోవాలి
Step 4
ఇందులో ఒక స్పూన్ సోయా సాస్ వేసి ముందుగా వేయించి పక్కన పెట్టుకున్న చికెన్ ముక్కలు కూడా వేసి అన్ని ఒకసారి కలపాలి. ఇప్పుడు అందులో మనం ముందుగా ఉడికించి పెట్టుకున్న అన్నం వేసి బాగా కలపి ఉల్లికాడ ముక్కలు, కొత్తిమీర నిమ్మరసం వేసుకొని పొయ్యి ఆపు చేసుకోవాలి. అంతే యమ్మీ యమ్మీ చికెన్ ఫ్రైడ్ రైస్ రెడీ ..