Vankaya chikkudu ginjala kura

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే వంకాయ చిక్కుడు గింజల కూర ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

30 Minutes
Servings

2-6

కావాల్సిన పదార్ధాలు

వంకాయలు. 1/2 కేజీ
చిక్కుడు గింజలు. 1/2 కప్పు
ఉల్లిపాయలు. 2
పసుపు. 1/2 టీస్పూన్
ధనియాలపొడి. 1/2 టీస్పూన్
కారం. 1 టీస్పూన్
నూనె. 2 టీస్పూన్
అల్లం వెల్లుల్లి పేస్ట్. 2టీస్పూన్
పచ్చిమిర్చి. 8
కొత్తిమీర. 2 టీస్పూన్
ఆవాలు, జీలకర్ర. 1 టీస్పూన్
కరివేపాకు. 4 రెబ్బలు
ఉప్పు. సరిపడా

తయారు చేయు విధానం

Step 1
ముందుగా పచ్చిమిర్చి, కొత్తిమీరలను గ్రైండ్ చేసుకోవాలి. అలాగే చిక్కుడు గింజలను ఉప్పు వేసిన నీటిలో ఉడికించి ఉంచాలి.
Step 2
ఒక పాత్రలో నూనె వేసి వేడయ్యాక జీలకర్ర, ఆవాలు, కరివేపాకుతో పోపు పెట్టాలి.
Step 3
అందులోనే ఉల్లిపాయ ముక్కలను వేసి బ్రౌన్ కలర్ వచ్చేదాకా వేయించాలి.
Step 4
తరువాత అల్లం వెల్లుల్లి, పచ్చిమిర్చి పేస్ట్‌లను జతచేసి బాగా కలిపి ఐదు నిమిషాలపాటు వేయించాలి.
Step 5
పసుపు, కారం, జీలకర్రపొడి, ధనియాలపొడి, సరిపడా ఉప్పును కూడా కలిపి ఉడికించాలి.
Step 6
ఇప్పుడు వంకాయ ముక్కలు వేసి కలిపి, సన్నటి మంటపై పది నిమిషాలపాటు ఉడికించాలి.
Step 7
దాంట్లోనే కాసిన్ని నీళ్లు చిలకరించి మరికొంతసేపు ఉడికించాలి.
Step 8
చివర్లో ఉడికించిన చిక్కుడు గింజల్ని కూడా జతచేసి ఐదు నిమిషాల తరువాత దించేయాలి.