Meal maker Senagapappu Masala Curry Recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మిల్ మేకర్ శనగపప్పు మసాలా కర్రీ ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

30 Minutes
Servings

2-5

కావాల్సిన పదార్ధాలు

మిల్ మేకర్ : ఒక కప్పు
పచ్చిశనగపప్పు : అరకప్పు
బిరియాని ఆకూ : రెండు
ఉల్లిపాయమిక్కలు : పావుకప్పు
టమోటోముక్కలు : పావుకప్పు
పచ్చిమిర్చి చీలికలు : రెండు
కర్వేపాకు : ఒక రెమ్మ
అల్లంవెల్లుల్లిపేస్ట్ : ఒక స్పూన్
పసుపు : చిటికెడు
కారం : ఒక స్పూన్
ధనియాల పొడి : ఒకస్పూన్
జీలకర్రపొడి : ఒక స్పూన్
గరం మసాలా పొడి : ఒక స్పూన్
కొత్తిమీర : కొద్దిగా
సాల్ట్ : తగినంత
ఆయిల్ : సరిపడా

తయారు చేయు విధానం

Step 1
ముందుగా శనగపప్పు ను కడిగి ఒక గంట పాటు నాననివ్వాలి , మిల్ మేకర్ ను వేడి నీళ్ళల్లో వేసుకుని పది నిముషాలు ఉంచి నీటిని పిండి పక్కన పెట్టుకోవాలి .
Step 2
స్టవ్ వెలిగించి కడాయి పెట్టుకుని ఆయిల్ వేసి వేడి ఎక్కాక బిరియాని ఆకూ వేసి వేపాలి. వేగాక ఉల్లిపాయముక్కలు , పచ్చిమిర్చి , కర్వేపాకు వేసి బాగా వేగనివ్వాలి
Step 3
ఇందులో అల్లంవెల్లుల్లిపేస్ట్ వేసి పచ్చివాసన పోయేదాకా వేపుకుని నానపెట్టిన శనగపప్పు ను వేసి కలిపి ఒక పది నిముషాలు పాటు చిన్న మంటమీద ఉడకనివ్వాలి , ఉడికాక పసుపు , కారం , ధనియాల పొడి , జీలకర్రపొడి, వేసి మరికాసేపు వేయించుకుని అందులో టమోటో ముక్కలు వేసి కలిపి మూతపెట్టి చిన్న మంటమీద మగ్గనివ్వాలి.
Step 4
మగ్గాక అందులో మిల్ మేకర్ , తగినంత సాల్ట్ , ఒక కప్పు నీరు పోసుకుని ఉడకనివ్వాలి , దగ్గరకు అయ్యాక గరం మసాలా వేసుకుని ఒక రెండు నిముషాలు ఉడకనిచ్చి స్టవ్ ఆఫ్ చేసుకుని కొత్తిమీర వేసుకుని దించుకోవాలి ..