Chicken Korma Recipe

నోరూరించే కుర్మాను తయారుచేయడం చాలా సులభం. ఇంట్లోనే మంచి ఫ్లేవర్ తో తయారుచేసుకోవచ్చు. అయితే అన్ని మసాలాలు సమపాళ్లలో ఉంటే ఆ టేస్ట్ భలే రుచిగా ఉంటుంది. స్పెషల్ గా తయారు చేసుకునే ఈ స్పెషల్ చికెన్ కుర్మా ఎలాగో ఇప్పుడు చూద్దాం.

Prep Time

25 Minutes
Cooking Time

35 Minutes
Servings

3

కావాల్సిన పదార్ధాలు

కావల్సిన పదార్థాలు:
చికెన్ ముక్కలు - కేజీ;
ఉల్లిపాయలు - 2 (సన్నగా తరగాలి);
అల్లం-వెల్లుల్లిపేస్ట్ - ఒకటిన్నర టేబుల్ స్పూన్;
టొమాటో - ఒకటి (సన్నగా కట్ చేయాలి);
కారం - టీ స్పూన్;
నిమ్మరసం - ఒకటిన్నర టేబుల్ స్పూన్;
ఉప్పు - తగినంత;
నూనె - 3 టేబుల్ స్పూన్లు;
కొత్తిమీర - తగినంత.

వేయించడానికి కావల్సినవి:
జీలకర్ర - టీ స్పూన్;
సోంపు - టీ స్పూన్;
గసగసాలు - టీ స్పూన్;
దాల్చినచెక్క - చిన్నముక్క;
ఏలకులు - 2;
పచ్చి కొబ్బరి తురుము - 5 టేబుల్‌స్పూన్లు;
జీడిపప్పు - 8; శనగలు (కొద్దిగా నూనె వేసి, ఐదు నిముషాలు వేయించాలి) - టేబుల్‌స్పూన్;
కరివేపాకు - రెమ్మ;
సాంబర్ ఉల్లిపాయలు - 10;
పచ్చిమిర్చి - 4;
కొత్తిమీర తరుగు - 3 టేబుల్ స్పూన్లు;
పుదీనా ఆకులు - 15

తయారు చేయు విధానం

Step 1
వేయించిన పదార్థాలను, కొద్దిగా నీళ్లు కలిపి పేస్ట్ చేసుకోవాలి అడుగు మందం ఉన్న గిన్నెలో నూనె వేసి, వేడయ్యాక కరివేపాకు, ఉల్లిపాయలు వేయించుకోవాలి.
Step 2
అల్లం వెల్లుల్లిపేస్ట్ వేసి, కలిపి, మూడు నిముషాలు ఉంచాలి. అందులో కారం, పసుపు, ఉప్పు కలపాలి టొమాటో ముక్కలు వేసి మరో ఐదు నిమిషాలు ఉడికించాలి వేయించాలి.
Step 3
గ్రైండ్ చేసిన మిశ్రమాన్ని వేసి మరో 8 నిముషాలు ఉంచాలి.
Step 4
తర్వాత నిమ్మరసం, చికెన్ ముక్కలు వేసి కలిపి, ఉడికించాలి మూత పెట్టకుండా ఐదు నిమిషాలు ఉడికించి, తర్వాత మూడు కప్పుల నీళ్లు పోసి, మూత పెట్టి, స్టౌ సిమ్‌లో ఉంచాలి.
Step 5
ముక్క ఉడికి, గ్రేవీ చిక్కబడ్డాక కొత్తిమీర చల్లి, మంట తీసేయాలి. అంతే ఘుమఘుమలాడే టేస్టీ స్పెషల్ చికెన్ కుర్మా రెడీ.