Paya soup

నాన్ వెజ్ అంటే ఇష్టంగా ఉన్నా కానీ అదే మటన్, చికెన్, చేపలు తిని బోర్ కొట్టేవారి కొసం పాయా సూప్ ఎలా తయారుచెయ్యాలో అందిస్తున్నాం. హైదరాబాదీలకు పాయా సూప్ చాలా బాగా తెలుసు. మరెందుకు ఆలస్యం అదిరిపోయే పాయా సూప్ రెసెపీ మీ కోసం..

Prep Time

20 Minutes
Cooking Time

45 Minutes
Servings

3-6

కావాల్సిన పదార్ధాలు

మేక కాళ్లు - 4 (నాలుగేసి ముక్కలుగా కట్ చేయాలి)
టొమాటో ప్యూరీ - కప్పు+
ఉల్లితరుగు - రెండు కప్పులు
గరంమసాలా - టీ స్పూను
అల్లంవెల్లుల్లి పేస్ట్ - 2 టీ స్పూన్లు
ధనియాలపొడి - టేబుల్ స్పూను
పచ్చిమిర్చి - 5
కొబ్బరితురుము - 2 టేబుల్ స్పూన్లు
కారం - 2 టీ స్పూన్లు
మిరియాల పొడి - టీ స్పూను (పొడి మరీ మెత్తగా ఉండకూడదు)
పసుపు - కొద్దిగా
కొత్తిమీర తరుగు - టేబుల్ స్పూను
నూనె - 3 టేబుల్ స్పూన్లు
లవంగాలు - 6
ఏలకులు - 4
దాల్చినచెక్క - చిన్న ముక్క
బిరియానీ ఆకు - 1
ఉప్పు - తగినంత

తయారు చేయు విధానం

Step 1
ఒక కప్పు ఉల్లితరుగు, కొత్తిమీర, పచ్చిమిర్చి, కొబ్బరితురుము వేసి మెత్తగా పేస్ట్ చేసి, పక్కన ఉంచాలి.
Step 2
లెగ్ పీసులను శుభ్రంగా కడగాలి. దీనిలో లీటరు నీరు, పసుపు, ఉప్పు జత చేసి కుకర్‌లో ఉంచి ఆరు విజిల్స్ రానివ్వాలి.
Step 3
బాణలిలో నూనె కాగాక, లవంగాలు, ఏలకులు, దాల్చినచెక్క, బిరియానీ ఆకు వేసి బాగా కలిపి, అల్లంవెల్లుల్లి పేస్ట్ జత చేయాలి.
Step 4
ఉల్లితరుగు వేసి రెండు నిముషాలు వేయించాలి.
Step 5
ధనియాలపొడి, కారం, గరంమసాలా, మిరియాలపొడి వేసి ఒక నిముషం పాటు వేయించాలి.
Step 6
ఈ మొత్తం మిశ్రమాన్ని, కుకర్‌లో ఉడికించి ఉంచుకున్న లెగ్ పీస్‌లలో వేసి, తరువాత టొమాటో ప్యూరీ జత చేసి సుమారు రెండు నిముషాలు సన్నని మంట మీద ఉడికించాలి.
Step 7
తయారుచేసి ఉంచుకున్న కొబ్బరి మసాలా, అర లీటరు నీరు జతచేసి, మంట పెద్దది చేసి ఆరు విజిల్స్ వచ్చేవరకు ఉడికించాలి.