califlower dal recipe

పప్పు అంటేపడిన వాళ్లు ఎవరుంటారు చెప్పండి. అలాంటి పప్పును రొటీన్ గా తింటే ఎవరికైనా బోర్ కొడుతుంది. పప్పును ఎన్ని వెరైటీలైనా చేసుకోవచ్చు. అలాంటి పప్పును క్యాలిఫ్లవర్ తో కలిపి రుచికరంగా ఎలా తయారుచేసుకోవాలో ఇక్కడ తెలుసుకోండి. మరెందుకు ఆలస్యం క్యాలిఫ్లవర్ పప్పు రెడీ..

Prep Time

15 Minutes
Cooking Time

45 Minutes
Servings

3-5

కావాల్సిన పదార్ధాలు

క్యాలిఫ్లవర్ ముక్కలు - పావు కప్పు
కందిపప్పు - ఒక కప్పు
పచ్చిమిరపకాయలు --4
ఎండుమిరపకాయలు - 4
మినపపప్పు - రెండు టీ స్పూన్స్
ఆవాలు --పావు టీ స్పూన్
జీలకర్ర --అర టీ స్పూన్
ఇంగువ - పావు టీ స్పూన్
నూనె - ఒక టేబుల్ స్పూన్
కరివేపాకు - రెండు రెమ్మలు

తయారు చేయు విధానం

Step 1
ముందుగ క్యాలిఫ్లవర్ ను చిన్న ముక్కలుగా తరిగి గోరువెచ్చని ఉప్పు నీళ్ళలో ఒక పదినిముషాలు ఉంచాలి.
Step 2
తరవాత ఒక గిన్నెలో కందిపప్పు వేసి క్యాలిఫ్లవర్ లోని నీళ్ళు వంపేసి క్యాలిఫ్లవర్ ముక్కలు కూడా వేసి పచ్చిమిరప ముక్కలు వేసి నీళ్ళు పోసి స్టవ్ మీద పెట్టి ఉడికించాలి.
Step 3
ఉడికిన పప్పులో ఉప్పు,పసుపు వేసి బాగా కలిపి దించేయాలి.
Step 4
ఇప్పుడు ఒక బాండి తీసుకుని అందులో నూనె వేసి మినపపప్పు,ఆవాలు,జీలకర్ర ,ఇంగువ ,ఎండుమిరప ముక్కలు వేసి పోపును దోరగా వేయించాలి.
Step 5
వేగిన పోపులో కరివేపాకు వేసి ఒక నిముషం ఉంచి పప్పులో వేసి బాగా కలపాలి . అంతే ఘుమఘుమ లాడే క్యాలిఫ్లవర్ పప్పు రెడీ