cluster bean Pakodi

గోరుచిక్కుడు అలియాస్ గోకరకాయ పేరు చెప్పగానే 'అబ్బా... అంటూ మొహం ముడిచేస్తారు చాలామంది. ఎందుకంటే అది రుచి పచి ఉండదు గనుక. కానీ, పీచుపదార్థాలు ఎక్కువగా ఉండే దీనిని తీసుకోవటం మూలంగా గుండె జబ్బులు, చక్కెర సంబంధిత వ్యాధులు మన చెంతకు చేరవు. కూరల్లోకే కాకుండా రుచికరమైన పకోడీ ఎలా చేసుకోవాలో ఇప్పుడు చూద్దాం.

Prep Time

10 Minutes
Cooking Time

30 Minutes
Servings

4

కావాల్సిన పదార్ధాలు

పావుకేజి గోరు చిక్కుడు కాయలు
శనగపిండి రెండు టీస్పూన్లు(ఉంటే కాస్త కార్న్ ఫ్లోర్ కూడా కలుపుకోవచ్చు)
రెండు ఉల్లిపాయలు(మీడియం సైజువి),
అరటీ స్పూన్ వాము
నాలుగు రెబ్బలు కరివేపాకు
ఒక టీస్పూన్ అల్లం తరుగు
తగినతం ఉప్పు
వేయించడానికి కావాల్సినంత నూనె
అరటీస్పూన్ కారం

తయారు చేయు విధానం

Step 1
గోరుచిక్కుడు కాయల తొడిమెలు, ఈనెలు తీసి శుభ్రంగా కడిగి అంగుళం సైజులో తరగాలి.
Step 2
ముక్కల్ని తగినంత నీటిలో చిటికెడు ఉప్పేసి 3 నిమిషాల పాటు ఉడికించి (నీరు) వార్చేయాలి.
Step 3
ఉల్లిపాయల్ని నిలువుగా సన్నగా తరిగి, తర్వాత ఒక పాత్రలో ఉడికించిన గోరుచిక్కుడు ను తీసుకోవాలి.
Step 4
దానికి ఉల్లితరుగు, కరివేపాకు, కారం, వాము, అల్లం తరుగు, ఉప్పు, శనగపిండి వేసి అవసరమైతే నీరు కలుపుతూ ముద్దలా చేసుకుని నూనెలో పకోడీల్లా వేసి దోరగా వేగించాలి.
Step 5
కరకరలాడే టేస్టీ గోరుచిక్కుడు పకోడీ రెడీ, సాస్ తో తింటే కమ్మగా ఉంటాయి.