mungdal mango salad

వేసవిలో మామిడితో ఎదో ఒక కొత్త రుచి చూడాలనిపిస్తుంది. మామిడికాయతో సలాడ్ కూడా చాలా
బాగుంటుంది. ఈ మామిడి సలాడ్ తినడం వలన శరీరంలో ఉష్ణోగ్రత తగ్గుతుంది. ఇది ఆరోగ్యానికి చాలా
మేలు చేస్తుంది. అన్ని వయసుల వారు ఈ సలాడ్ ను తినవచ్చును. ఈ సలాడ్ తో శరీరానికి
సంపూర్ణమైన పోషకాలు అందుతాయి. ఎంతో ఆరోగ్య కరమైన పెసరపప్పు-మామిడి సలాడ్ ఎలా తయారు
చేసుకోవాలో చూద్దాం

Prep Time

15 Minutes
Cooking Time

15 Minutes
Servings

Null

కావాల్సిన పదార్ధాలు

1 కప్పు పెసరపప్పు
అర కప్పు పల్లీలు
2 టేబుల్ స్పూన్ మామిడికాయ తురుము
2 టేబుల్ స్పూన్ కొబ్బరితురుము
2 టేబుల్ స్పూన్ కీరదోస ముక్కలు
2 టేబుల్ స్పూన్ క్యారెట్ తురుము
కొద్దిగా కొత్తిమీర తరుగు
తగినంత ఉప్పు
2 పచ్చిమిర్చి (సన్నగా తరగాలి)
2 ఎండు మిర్చి
పావు టీ స్పూన్ ఆవాలు

తయారు చేయు విధానం

Step 1
ముందుగా పెసరపప్పు, పల్లీలు విడివడిగా 4 గంటలపాటు నానబెట్టుకోవాలి.
Step 2
తరువాత ఈ పప్పులను ఒక గిన్నెలోకి తీసుకుని అందులో మామిడి తురుము, క్యారెట్, కీర, ఉప్పు, పచ్చిమిర్చి వేసి బాగా కలపాలి ఈ మిశ్రమాన్ని 5 నిమిషాలపాటు పక్కనపెట్టాలి
Step 3
ఇప్పుడు పాన్ పెట్టి కొద్దిగా నూనె వేసి వేడి చేయాలి. నూనె వేడి అయిన తరువాత ఆవాలు, ఎండుమిర్చి వేసి వేగిన తరువాత పప్పు మిశ్రమాన్నివేసి కలపాలి. చివరగా ఇందులో కొత్తిమీర వేసి సర్వ్ చేసుకోవాలి.