akyakyabatak curry

పేరు చూసి ఇదేమైనా చైనీయుల వంటకం ఏమోనని భ్రమపడిపోయేరు. ఇది అచ్చ తెలుగు శాఖాహర వంటకం. మరో రకంగా మిక్స్ డ్ వెజిటెబుల్స్ కర్రీ అన్న మాట. ఆలు ,క్యాబేజ్ ,క్యారెట్ ,బఠానీ ,టమాట లతో చేసే ఈ కూరను సాంబార్, పప్పు, రసం ఇలా ఎందులోనైనా నంజుకుని లాగించేయొచ్చు. మరిప్పుడు అది ఎలా చేయాలో నేర్చుకుందాం.

Prep Time

25 Minutes
Cooking Time

25 Minutes
Servings

4

కావాల్సిన పదార్ధాలు

రెండు పెద్ద పెద్ద ఆలు(బంగాళాదుంపలు)
2 క్యారెట్
పావు చెక్క క్యాబేజీ
మూడు టమాటలు
ఒక కప్పు బఠాని
అంగుళం ముక్క అల్లం
5 పచ్చిమిరపకాయలు
రెండు స్పూన్ల శనగపప్పు
1 స్పూన్ మినపపప్పు
అరటీ స్పూన్ ఆవాలు
1 టీస్పూన్ జీలకర్ర
ఐదు ఎండుమిరపకాయలు
పావు టీ స్పూన్ ఇంగువ
పావు టీస్పూన్ పసుపు
ఒక స్పూన్ ఆయిల్
తగినంత ఉప్పు

తయారు చేయు విధానం

Step 1
ముందుగ కూరలు అన్నిటిని బాగా కడిగి క్యాబేజ్ ను క్యారెట్ ను ఆలు ను సన్నగా తురిముకోవాలి .
Step 2
ఇప్పుడు టమాట ,అల్లం ,పచ్చిమిరపకాయలను మెత్తగా గ్రైండ్ చేసి పక్కన పెట్టుకోవాలి .
Step 3
ఇప్పుడు ఒక బాణి తీసుకుని అందులో నూనె వేసి సెనగపప్పు,మినపపప్పు,ఆవాలు ,జీలకర్ర .,ఎండుమిరప ముక్కలు ,పసుపు,ఇంగువ వేసి పోపును దోరగా వేయించాలి .
Step 4
వేగిన పోపులో ఉప్పు వేసి బాగా కలిపి తురిమి పెట్టుకున్న కూరల మిశ్రమం వేసి బఠానీలు వేసి బాగా కలిపి కప్పు నీళ్ళు పోసి ఉడకనివ్వాలి .
Step 5
ఉడికిన కూరలో ఇందాక మనం గ్రైండ్ చేసిన టమాట మిశ్రమాన్ని వేసి మాడకుండా గరిట తో కలుపుతూ ఇగరనివ్వలి...
Step 5
ఘుమఘుమ లాడే ఆక్యక్యబటక కూర రెడీ ....... ఇక వేడి వేడిగా తినడమే మిగిలింది. అన్నంతోపాటు చపాతీ, ముఖ్యంగా దోసెలోకి ఇది బాగా కుదురుతుంది.