crunchi cocont cookies|healthy cookies recipe|tasty biscuits recipe

కరకరలాడే బిస్కెట్స్ అంటే పిల్లలకు మాత్రమే కాదు, పెద్దలకు కూడా ఇష్టమైన స్నాక్ రెసిపి.బిస్కెట్ లలో వివిధ రకాల బిస్కెట్స్ ఉన్నాయి. వాటిలో ఈ కోకనట్ బిస్కెట్ ఒకటి . ఈ కోకనట్ బిస్కెట్ ఆరోగ్యానికి కూడా చాలా మంచిది. ఆకలిగా ఉన్నప్పుడు కోకనట్ బిస్కెట్ తీసుకోవడం వల్ల వెంటనే ఆకలిని తగ్గించుకోవచ్చు. ఇది మీ శరీరానికి క్యాలరీలను చేర్చే జంక్ ఫుడ్ కాదు. ఇందులో ఎలాంటి ఫ్యాట్స్ ఉండవు. మరి ఈ క్రంచీ బిస్కెట్ ను తినడానికి ఇంత కంటే మంచి అవకాశం మరేం కావాలి. ఇంకెందుకు ఆలస్యం, కోకనట్ క్రంచీ బిస్కెట్ ను ఎలా తయారుచేయాలో చూద్దాం

Prep Time

15 Minutes
Cooking Time

30 Minutes
Servings

3

కావాల్సిన పదార్ధాలు

ఒక కప్పు బట్టర్
ఒక కప్పు బ్రౌన్ షుగర్
1/4 టీ స్పూన్ కోకనట్ ఎసెన్స్
1/4 టీస్పూన్ వెనీలా ఎసెన్స్
ఒక కప్పు కొబ్బరితురుము
ఒక్కటి గుడ్డు
పావు లీటర్‌ పాలు
అర కప్పు‌ మైదా
అర టీ స్పూన్‌ బేకింగ్ పౌడర్

తయారు చేయు విధానం

Step 1
ముందుగా ఒక బౌల్ తీసుకొని, స్టౌ మీద పెట్టి. తర్వాత అందులో బట్టర్ వేసి కరగించాలి.
Step 2
బట్టర్ కరిగిన తర్వాత అందులో బ్రౌన్ షుగర్, మరియు గుడ్డు లోపలి సొన వేసి బాగా మిక్స్ చేయాలి. తర్వాత అందులోనే కొబ్బరి తురుము, కోకోనట్ ఎసెన్స్ మరియు వెనీలా ఎసెన్స్ వెయ్యాలి.
Step 3
అందులోనే కొద్దిగా పాలు కూడా వేసి బాగా మిక్స్ చేయాలి. ఆ తర్వాత మైదా వేసి , చిక్కగా అయ్యే వరకూ మిక్స్ చెయ్యాలి . చివరగా బేకింగ్ పౌడర్ ను వేసి మిక్స్ చెయ్యాలి.
Step 4
ఈ పిండి నుండి కొద్దికొద్దిగా చేతిలోకి తీసుకొని చిన్న చిన్న బాల్స్ లాగా చేసి ఆబాల్స్ ను సమాంతరంగా వత్తుకోవాలి. ఇలా మొత్తం తయారుచేసుకొన్నాక వీటిని కుక్కింగ్ పాత్రలో పెట్టి ఈ కుక్కింగ్ పాత్రను 160డిగ్రీ సెంటీగ్రేడ్ లో పెట్టి 15నిముషాలు బేక్ చెయ్యాలి. తర్వాత ఒకొక్కటిగా తీసుకోవాలి. అంతే కరకరలాడే కోకోనట్ బిస్కెట్ రెడీ.