Seafood kachori recipe cooking tips healthy food item

సీఫుడ్’తో కూడిన వంటకాలను తీసుకుంటే ఆరోగ్యానికి మంచిదని నిపుణులు నిత్యం సలహాలు ఇస్తూనే వుంటారు. ముఖ్యంగా కంటి సమస్యలు దరిచేరకుండా వుంటాయి. అలాగే మెదడు చురుకుగా పనిచేయడంలో సహాయపడుతాయి. కాబట్టి.. సీఫుడ్స్ రెసిపీలు వారానికి రెండుసార్లు తీసుకుంటే ఎంతో శ్రేయస్కరం.

ఇంకో ముఖ్యమైన విషయం ఏమిటంటే.. సీఫుడ్స్ అయిన రొయ్యలు, చేపలు కలిపి వంటకాన్ని చేసుకుని తింటే.. ఇంకా ఎన్నో ఆరోగ్య ప్రయోజనాలు కలుగుతాయి. ఈ రెండు సీఫుడ్స్’తో డిఫరెంట్’గా కచోరీ చేసుకుని తింటే చాలా మంచిది. మరి.. దాన్నెలా చేస్తారో తెలుసుకుందామా...

Prep Time

25 Minutes
Cooking Time

30 Minutes
Servings

2-3

కావాల్సిన పదార్ధాలు

1/2 కేజీ చేపలు, రొయ్యలు
1 కేజీ మైదా
అరకప్పు ఉల్లిపాయలు (ముక్కలు)
తగినంత నూనె
3 టీ స్పూన్స్ అల్లంవెల్లుల్లి పేస్ట్
అరచెంచా ధనియాలపొడి
చిటికెడు జీలకర్రపొడి, పసుపు
రుచికి తగినంత ఉఫ్పు

తయారు చేయు విధానం

Step 1
ఒక పాత్రలో వంటకానికి కావలసిన మైదాపిండిని తీసుకుని.. అందులో నూనె, నీరు పోసి ముద్దులా కలుపుకోవాలి.
Step 2
మరోవైపు ఒక పాత్రలో నూనె వేడి చేసుకుని.. అందులో శుభ్రం చేసుకున్న చేపలు, రొయ్యలు, ఉల్లిపాయలు, అల్లం, వెల్లుల్లి, ధనియాలు, జీలకర్ర పొడి, పసుపు, ఉప్పు తదితర పదార్థాలు వేసి.. ఆ మిశ్రమమంతా మెత్తబడేవరకు ఉడికించాలి.
Step 3
ఆ సీఫుడ్ మిశ్రమాన్ని పూరీల నడుల వుంచి అంచులు మూసేయాలి. అనంతరం వీటిని నూనెలో దోరగా వేయించి దించేయాలి. అంతే! హాట్ హాట్ సీఫుడ్ కచోరీ రిసిపీ రెడీ!