karachi dosa recipe cooking tips healthy breakfast snacks special food

దోసెలను కూడా రకరకాల పద్ధతుల్లో తయారుచేసుకోవచ్చని తెలిసిందే! అయితే వాటన్నింటికంటే భిన్నంగా, ప్రత్యేక రుచితోబాటు ఆరోగ్యాన్ని మెరుగుపరిచేటటువంటి దోసెలూ అందుబాటులో వున్నాయి. అటువంటివాటిలో కరాచీ దోసె ఎంతో ఫేమస్!

దీనిని ఇంట్లోనే తయారుచేసుకుని తింటే.. ఆరోగ్యంగా రోజంతా మెలగవచ్చు. ముఖ్యంగా పిల్లలకు ఇటువంటి వంటకాలు తినిపిస్తే ఎంతో శ్రేయస్కరం! ఈ రకమైన వంటకాన్ని బ్రేక్’ఫాస్ట్’లో లేదా స్నాక్స్ రూపంలో కూడా తీసుకోవచ్చు. మరి దీన్నెలా చేస్తారో తెలుసుకుందామా...

Prep Time

20 Minutes
Cooking Time

15 Minutes
Servings

4-5

కావాల్సిన పదార్ధాలు

1 కప్ బొంబాయి రవ్వ
1 కప్ మైదాపిండి
1 కప్ బియ్యపు పిండి
1/2 కప్ ఉల్లిపాయ తరుగు
1 టీ స్పూన్ జీలకర్ర
2 టీ స్పూన్ పుల్లటి పెరుగు
2 టీ స్పూన్ అల్లం, మిర్చి, కొత్తిమీర పేస్ట్
రెండు రెబ్బలు కరివేపాకు
1 టీ స్పూన్ నూనె
రుచికి తగినంత ఉప్పు

తయారు చేయు విధానం

Step 1
ఒక పాత్ర తీసుకుని అందులో తగినంత రవ్వ, మైదా, బియ్యపు పిండి వేసి.. ఆ మూడింటిని బాగా కలుపుకోవాలి. అందులో తగినన్ని నీళ్లు పోసి వుండలు లేకుండా జాగ్రత్తగా మిక్స్ చేయాలి. అలాగే ఉప్పు, పెరుగు కూడా ఆ పిండిలో వేసి కలపాలి.
Step 2
ఇప్పుడు ఒక బాణలి తీసుకుని అందులో కొద్దిగా నూనె పోసి వేడి చేయాలి. నూనె కాగిన తర్వాత అందులో ఆవాలు, జీలకర్ర వేసి.. చిటపటలాడే వరకు ఉడికించుకోవాలి. తర్వాత ఈ మిశ్రమాన్ని పిండిలో బాగా మిక్స్ అయ్యేలా కలుపుకోవాలి. అలాగే సన్నగా తరిగిన ఉల్లిపాయలను కూడా ఆ పిండిలో చేర్చాలి.
Step 3
అనంతరం ఒక పెను తీసుకుని దానిని స్టౌవ్ మీద పెట్టి వేడి చేయాలి. ఆ పెనుము బాగా వేడెక్కిన తర్వాత దానిపై ఇదివరకు కలుపుకున్న పిండిని దోసెలులాగా పోసి దోరగా వేయించుకోవాలి. అవి బ్రౌన్ కలర్’లోకి రాగానే తీసేయాలి. అంతే! ఆరోగ్యకరమైన కరాచీ దోసె రెడీ!