beerakaya masala kura

+ Write a Review

అదిరిపోయే బీరకాయ మసాల కూర ఎలా తయారుచేయాలో ఇక్కడ తెలుసుకోండి

Prep Time

5 Minutes
Cooking Time

35 Minutes
Servings

2-5

కావాల్సిన పదార్ధాలు

బీరకాయలు 1/4 కిలో
నువ్వులు 1/4 కప్పు
పల్లీలు 1/4 కప్పు
కారం 1 టీ స్పూన్
పసుపు 1/4 టీ స్పూన్
ఉప్పు 11/2 టీ స్పూన్
గరమ్ మసాల పొడి 1 టీ స్పూన్
చిన్న గుండ్రటి ఉల్లిపాయలు 6
అల్లం, వెల్లుల్లి పేస్ట్ 1 టీ స్పూన్
జీరా -1 టీ స్పూన్
చింతపండు 2 టీ స్పూన్లు గుజ్జు
పంచదార 1 టీ స్పూన్
నూనె 100 గ్రా.
కొత్తిమీర 2 టీ స్పూన్లు తరుగు
ఎండుకొబ్బరి 1/2 చిప్ప

తయారు చేయు విధానం

Step 1
బాండీలో నూనె కొంచెం వేడిచేసి, నువ్వులు, పల్లీలు, జీరా వేయించి తీసి మిక్సీలో వేసి పొడి చేయాలి
Step 2
దానిలో ఉప్పు, కారం, గరమ్ మసాలపొడి, చింతపండు చిక్కటిరసం, పంచదార, అల్లం, వెల్లుల్లి పేస్ట్ (ఇష్టపడేవారు లేదా వేయకున్నా పరవా లేదు) అన్ని మసాలలు కలిపి ఒక ప్లేట్ లో పెట్టుకోవాలి.
Step 3
బీరకాయలను తొక్కతీసి గుత్తులుగా కట్ చేసుకుని, వాటిలో మసాల పెట్టి అన్నిటిని ప్లేట్ లో పెట్టుకోవాలి
Step 4
ఉల్లిపాయలు కడిగి పొర తీసి అలాగే పాయలుగాఉంచుకోవాలి
Step 5
బాండీలో నూనె వేడిచేసి, జీరా , ఉల్లిపాయలు వేసి కొంచెం వేయించి, మూత పెట్టి పసుపు పొడి వేసి ఉడికించాలి
Step 6
కొంచెం ఉల్లిపాయలు మెత్తబడిన తరువాత బీరకాయ గుత్తులను వేసి మూత పెట్టి చిన్న మంటలో ఉడికించాలి.
Step 7
మధ్యమధ్యలో కుదుపుతూ కూర మగ్గనివ్వాలి. మసాలా గుత్తులలో పెట్టినా మిగిలితే దానిని కూర పైన జల్లి ఉడికించవచ్చును.
Step 8
కూర బాగా మగ్గి నూనె పైకి తేలిన తరువాత డిష్ లో తీసి కొత్తిమీర తరుగు ఇష్టపడేవారు వేసుకుని సర్వ్ చేసుకోవాలి
Step 9
ఇది చపాతీలోకి పూరీలోకి, రైస్ లోకి చాలా రుచిగా ఉంటుంది.