chicken-biryani

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే చికెన్ బిర్యానీ ఎలా తయారుచేయాలో ఇక్కడ తెలుసుకోండి.

Prep Time

2 Hour 25 Minutes
Cooking Time

40 Minutes
Servings

4

కావాల్సిన పదార్ధాలు

చికెన్-500 గ్రాములు(బోన్ లెస్)
పసుపు-ఒక టీ స్పూను
పెరుగు-ఒక కప్పు
గరం మసాలా-ఒక టీ స్పూను
కారం-2 టేబుల్ స్పూనులు
ఉప్పు-తగినంత
అల్లం పేస్టు-ఒక తేబుల్ స్పూను
వెల్లుల్లి పేస్టు-ఒకటిన్నర టేబుల్ స్పూను
నెయ్యి-3 టేబుల్ స్పూన్లు
వేయించిన ఉల్లిపాయలు-ఒక కప్పు
బాస్మతీ రైస్-నానబెట్టినది 2 కప్పులు
మసాల దినుసులు-తగినన్ని
డ్రై ఫ్రూట్స్-సన్నగా తరిగినవి ఒక కప్పు
కుంకుమ పువ్వు నీరు-2 టేబుల్ స్పూన్లు
రోజ్ వాటర్-ఒక టేబుల్ స్పూన్లు
కేవ్రా వాటర్-ఒక టేబుల్ స్పూను

తయారు చేయు విధానం

Step 1
చికెన్ ముక్కలని ఒక గిన్నెలో తీసుకుని దానిలో పెరుగు, కారం, పసుపు, అల్లం వెల్లుల్లి పేస్ట్, ఉప్పు, గరం మసాలా వెయ్యాలి.
Step 2
ఇలా చికెన్ ముక్కలని మారినేట్ చేసి 2 గంటలపాటు పక్కనుంచాలి.
Step 3
ఒక లోతైన మూకుడు తీసుకుని దానిలో నెయ్యి వేసి వేడి చేసి మారినేట్ చేసి పెట్టుకున్న చికెన్ ముక్కలని వెయ్యాలి.
Step 4
వేయించిన ఉల్లిపాయలు, డ్రై ఫ్రూట్స్ వేసి చికెన్ సగం ఉడికే వరకూ స్టవ్ మీద ఉంచాలి.
Step 5
ఒక పాన్ తీసుకుని దానిలో నీళ్ళు పోసి వేడి చేసి నీళ్ళు మరుగుతున్నప్పుడు మసాలా దినుసులు వెయ్యాలి. దీనిలో ముందుగా నానబెట్టుకున్న బాస్మతీ బియ్యం వేసి 80% ఉడికించుకోవాలి.
Step 6
ఇప్పుడు వేయించుకున్న చికెన్ ముక్కలని ఒక లోతైన గిన్నెలో పేర్చి పైన ఉడికిన అన్నాన్ని వేసి పొరలుగా పేర్చాలి.
Step 7
దీనిలో కుంకుమ పువ్వు నీరు, రోజ్ వాటర్,కేవ్రా వాటర్,డ్రై ఫ్రూట్స్, వేయించిన ఉల్లిపాయలు,తరిగిన కొత్తిమీర వేసి మూత పెట్టి చుట్టూ అల్యూమినియం ఫాయిల్తో చుట్టాలి.
Step 8
చికెన్ బిర్యానీని ఇంకా సహజంగా చెయ్యాలనుకుంటే గిన్నె మూతకి గోధుమ పిండి పూసి సీల్ చెయ్యాలి.
Step 9
ఇప్పుడు బిర్యానీని ఇలా 20 నిమిషాల పాటు సన్నని మంట మీద ఉడికించుకోవాలి. గిన్నెలో నుంచి సువాసన వచ్చినప్పుడు స్టవ్ ఆపాలి. అంతే మీ చికెన్ బిర్యానీ రెడీ.
Step 10
ఈ వారాతంలో కనుక మీ ఫ్యామిలీ గెట్ టుగెదర్ ఉంటే చికెన్ బిర్యానీ వండి మీ అతిధులని ఆశ్చర్య పరచండి.ఈ రుచికరమైన బిర్యానీ తిని వాళ్ళెంత ఆనందిస్తారో మీరే చూద్దురుగాని.సులభంగా చేసే ఈ రుచి కరమైన ఈ చికెన్ బిర్యానీ తయారీని మీ స్నేహితులతో పంచుకోవడం మర్చిపోవద్దు సుమా.