kaima-rolls

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కైమా ఉండలు ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

30 Minutes
Servings

3

కావాల్సిన పదార్ధాలు

కైమా.. అర కేజీ
నూనె.. ఒకటిన్నర కప్పు
ఉల్లిపాయలు.. ఐదు
వెల్లుల్లి.. ఆరు
కోడిగుడ్డు.. ఒకటి
అల్లంముక్క.. కాస్తంత
వేయించిన శనగపప్పు.. 4 టీ.
లవంగాలు.. 3
దాల్చిన చెక్క.. 3
యాలకులు.. 2
ధనియాలు.. 2 టీ.
పసుపు, ఉప్పు, కారం.. తగినంత

తయారు చేయు విధానం

Step 1
కైమాను శుభ్రం చేసుకోవాలి. అల్లం, వెల్లుల్లిని ముద్దగా నూరుకోవాలి.
Step 2
ఉల్లిపాయలను సన్నగా తరిగి ఉంచాలి. శెనగపప్పును పొడి చేసి ఉంచాలి.
Step 3
ఒక గిన్నె స్టవ్‌పై ఉంచి, అందులో కైమా, ఉప్పు, పసుపు, కారం, అల్లం వెల్లుల్లి పేస్ట్, లవంగాలు, దాల్చిన చెక్క, యాలకులు, ఉల్లిపాయ ముక్కల్ని వేసి కలియబెట్టి నీళ్లు పోయకుండానే ఉడికించాలి.
Step 4
కైమా బాగా ఉడికాక దించి, శెనగ పొడి వేయాలి.
Step 5
దాంట్లోనే కోడిగుడ్డు పగులగొట్టి బాగా కలిపి ఉంచి, మిశ్రమాన్ని కావాల్సిన సైజులో ఉండలు చేసుకోవాలి.
Step 6
ఇప్పుడు బాగా కాగుతున్న నూనెలో కైమా ఉండలను వేసి ఎర్రగా వేయించి తీసేయాలి.
Step 7
అంతే వేడి వేడి రుచికరమైన కైమా ఉండలు సిద్దం.
Step 8
ఈ కైమా ఉండలను ఆపరేషన్ చేయించుకున్నవారికి బలం వచ్చేందుకు తినిపిస్తుంటారు.
Step 9
రుచిగా ఉండటమేగాకుండా, శరీరానికి బలాన్నిచ్చే ఈ కైమా ఉండలను ఇష్టపడనివారుండరంటే అతిశయోక్తి కాదు.
Step 10
మీరూ ఓసారి ట్రైచేసి చూడండి మరి..!!