rava-fish-fry

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే రవ్వ ఫిష్ ఫ్రై ఎలా తయారుచేయాలో ఇక్కడ తెలుసుకోండి.

Prep Time

20 Minutes
Cooking Time

20 Minutes
Servings

3

కావాల్సిన పదార్ధాలు

చేపలు (ఒకే ముల్లు ఉండేవి) - 8 ముక్కలు
నిమ్మరసం - 2 టేబుల్ స్పూన్లు
కరివేపాకు - కొంచెం
ఎండు మిరపకాయలు - ఐదు
జీలకర్ర - టేబుల్ స్పూన్
పచ్చిమిరపకాయలు - నాలుగు
గసగసాలు - ఒక టేబుల్ స్పూన్
వాము - చిటికెడు
వెల్లుల్లి - ఐదు పాయలు
అల్లం - కొంచెం
రవ్వ - ఒక కప్పు
నూనె - మూడు టేబుల్ స్పూన్లు
ఉప్పు - తగినంత

తయారు చేయు విధానం

Step 1
తొలుత చేపలను బాగా శుభ్రం చేసుకుని, సమానంగా ముక్కలు ముక్కలుగా కట్ చేసుకోవాలి.
Step 2
కొంత సేపాగి చేపల్లో తేమ ఆరిన తర్వాత వాటిని ఉప్పు, నిమ్మరసం మిక్స్ చేసి, చేపలకు పట్టించాలి.
Step 3
మరో వైపు ఎండుమిరపకాయలు, పచ్చిమిరపకాయలు, అల్లం, వెల్లుల్లి పేస్ట్, గసగసాలు, జీలకర్ర, కలిపి పేస్ట్ చేసుకోవాలి.
Step 4
ఈ పేస్ట్‌ను కూడా చేప ముక్కలకు అన్నివైపులా బాగా పట్టించాలి.
Step 5
అలా అన్నింటిని పట్టించి 15 నిమిషాల పాటు పక్కన పెట్టుకోవాలి.
Step 6
ఇప్పుడు ఫ్లాట్‌గా ఉన్న పాన్‌ను తీసుకుని, స్టౌపై పెట్టి, అందులో కొంచెం నూనెను వేసి కరివేపాకు వేసి వేయించాలి.
Step 7
ఇప్పుడు పక్కన పెట్టుకున్న చేప ముక్కలను రవ్వలో బాగా బొర్చించి చేపలకు అన్ని వైపులా రవ్వ అంటుకునేలా చేయాలి.