popcorn chicken recipe making best weekend parties

చికెన్ రిసిపీలలో ఎంతో ప్రత్యేకమైన ఈ వంటకం.. ఈమధ్యకాలంలో ఎక్కువగా ఫేమస్ అయింది. సాధారణంగా మార్కెట్లలో కొనుగోలు చేసుకోవడం కంటే వీటికే ఎక్కువ ప్రాధాన్యతనిస్తున్నారు. ఎందుకంటే.. ఇది ఎంతో టేస్టీగా, స్పైసీగా, నోరూరించేవిధంగా వుంటుంది. అంతేకాదు.. ఇందులో హెల్తీ న్యూట్రీషియన్స్ కూడా వుంటాయి. సాధారణంగా వీటిని రెస్టారెంట్లలోనే తయారుచేస్తారు. ఇంట్లో కూడా ఎంతో సులభంగా తయారుచేసుకోవడానికి కొన్ని అనువైన టిప్స్...

Prep Time

25 Minutes
Cooking Time

30 Minutes
Servings

5-10

కావాల్సిన పదార్ధాలు

250 గ్రాములు బోన్’లెస్ చికెన్ బ్రెస్ట్ (చిన్న ముక్కలుగా కట్ చేసుకోవాలి.
1 టేబుల్ స్పూన్ కాశ్మీర్ కారం
1 టేబుల్ స్పూన్ టొమాటో కెచప్
తగినంత ఉప్పు
1 టేబుల్ స్పూన్ గరంమసాలా
చిటికెడు కసూరీ మేథీ పొడి
1 టేబుల్ స్పూన్ నిమ్మరసం
1 టేబుల్ స్పూన్ అల్లం వెల్లుల్లి పేస్ట్
1 కప్ మైదాపిండి
2 కోడిగుడ్లు (సొన గిన్నెలో వేసి బాగా గిలక్కొట్టాలి)
1 టేబుల్ స్పూన్ నూనె
1/2 టేబుల్ స్పూన్ చాట మసాలా

తయారు చేయు విధానం

Step 1
ఒక పాత్ర తీసుకుని అందులో కాశ్మీర్ కారం, టొమాటో కెచప్, ఉప్పు, గరంమసాలా, కసూరీ మేథీ పొడి, నిమ్మరసం, అల్లంవెల్లుల్లి పేస్ట్’లను వేసి బాగా కలియబెట్టాలి. ఈ మిశ్రమంలోనే చికెన్ ముక్కలు వేసి... ఒక గంటసేపటి వరకు ఊరబెట్టాలి. తర్వాత అందులోనే గిలక్కొట్టిన గుడ్డు సొనను వేసి... చికెన్ ముక్కలకు ఆ సొన బాగా పట్టేలా కలపాలి.
Step 2
మరొక గిన్నెలో మైదాపిండి, ఉప్పు వేసి బాగా కలుపుకోవాలి. ఈ మిశ్రమంలో చికెన్ ముక్కలను వేసి, బాగా కలియబెట్టాలి. మైదాపిండి చికెన్ ముక్కలను బాగా పట్టేవరకూ కలపాలి.
Step 3
మరొపక్క ఓవెన్’ను 20 డిగ్రీల వద్ద ఫ్రీ హీట్ చేసి పెట్టుకోవాలి. అనంతరం బాస్కెట్’లో చికెన్ ముక్కలను వేసి, ఎయిర్ ఫ్రయర్’లో పెట్టాలి. కొద్దిసేపటివరకు ముక్కలను బాగా వేగేలా అలాగే పెట్టుకోవాలి.
Step 4
ముక్కలు వేగిన అనంతరం వాటిని ఒక ప్లేటులో తీసుకుని.. వాటిమీద చాట్ మసాలా, కారం జల్లుకోవాలి.
Step 5
అంతే.. ఈ విధంగా పాప్’కార్న్ చికెన్’ను తయారుచేసుకొని వడ్డించుకోవచ్చు.