Badam chicken gravy

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే బాదం చికెన్ గ్రేవీ ఎలా తయారుచేయాలో ఇక్కడ తెలుసుకోండి.

Prep Time

20 Minutes
Cooking Time

30 Minutes
Servings

4

కావాల్సిన పదార్ధాలు

చికెన్‌: అరకిలో,
బాదంపొడి: ఒకటిన్నర స్పూను,
ఉల్లి తరుగు: పావు కప్పు,
పసుపు: అరటీస్పూను,
నిమ్మరసం: టేబుల్‌స్పూను,
మిరియాలపొడి: అరటీస్పూను,
వెల్లుల్లిముద్ద: టీస్పూను,
నెయ్యి: 2 టేబుల్‌స్పూన్లు,
పెరుగు: అర కప్పు,
పచ్చిమిర్చి తరుగు : పావు కప్పు
యాలకులు: నాలుగు, లవంగాలు: నాలుగు, దాల్చినచెక్క తాలింపుకు తగినంత
బాదంముక్కలు: అరటీస్పూను,
ఉప్పు: రుచికి సరిపడా
నూనె : తగినంత

తయారు చేయు విధానం

Step 1
ముందుగా శుభ్రం చేసుకున్న చికెన్ ముక్కలకు నిమ్మరసం, ఉప్పు, మిరియాలపొడి, వెల్లుల్లి ముద్ద పట్టించి అరగంటసేపు నాననివ్వాలి.
Step 2
స్టౌ మీద బాణలి పెట్టి వేడయ్యాక ఉల్లిముక్కలు, పసుపు వేసి చల్లారాక వీటికి పచ్చిమిర్చి చేర్చి ముద్దలా చేయాలి.
Step 3
ఈ ముద్దను చికెన్‌ ముక్కలకు పట్టించాలి. పెరుగులో బాదంపొడి, ధనియాలపొడి కలిపి, ఈ మిశ్రమాన్ని కూడా చికెన్‌ ముక్కలకు పట్టించాలి.
Step 4
మరో పాన్‌లో నెయ్యి వేసి వేయించాక యాలకులు, లవంగాలు, దాల్చిన చెక్క, పలావు ఆకులు వేసి వేపాలి.
Step 5
ఆపై నానబెట్టిన చికెన్‌ ముక్కల మిశ్రమాన్ని వేసి మూతపెట్టి మధ్య మధ్యలో కదుపుతూ సిమ్‌లో ఉడికించాలి. చికెన్ ఉడికాక దించేసి బాదం పలుకులతో గార్నిష్ చేసి సర్వ్ చేస్తే టేస్ట్ అదిరిపోతుంది.