Bombai Ravva Upma

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే బొంబాయి రవ్వ ఉప్మా ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

25 Minutes
Servings

2

కావాల్సిన పదార్ధాలు

బొంబాయి రవ్వ : పావుకిలో
ఉల్లిపాయ : 1 పెద్దది తరుగుకోవాలి
పచ్చిమిర్చి : 2 కాయలు చిన్నముక్కలుగా తరుగుకోవాలి
అల్లం : చిన్న ముక్క తురుముకోవాలి
కరివేపాకు : కొద్దిగా
వేరుశెనగ గుళ్ళు : కొద్దిగా
నూనె : 2 టేబుల్ స్పూన్లు
ఉప్పు : తగినంత
కొత్తిమీర : కొద్దిగా
నీళ్ళు : రవ్వను గ్లాసుతో కొలచి అదే గ్లాసుతో 1 గ్లాసు రవ్వకు రెండున్నర గ్లాసులు నీళ్ళు పోయాలి. కొద్దిగా జావగా కావలనుకునేవారు 3
గ్లాసు నీళ్ళు పోయాలి.
పోపుగింజలు : 1 స్పూను
ఎండుమిర్చి : 2

తయారు చేయు విధానం

Step 1
ముందుగా పాన్ లేక వెడల్పాటి పాత్ర తీసుకొని నూనె లేక నెయ్యి వేసి వెడెక్కిన తరువాత ఎండుమిర్చి, పోపుగింజలు, వేరు శెనగగుండ్లు, అల్లం వేసి అవి వేగిన తరువాత నీరు పోయాలి. నీరు మరిగేటప్పుడు తగినంత ఉప్పు కలుపుకోవాలి.
Step 2
ఇప్పుడు బొంబాయి రవ్య(ఉప్మారవ్వ) ను నిదానంగా కొద్దికొద్దిగా పోస్తూ ఉండకట్టకుండా అట్లకాడతో త్రిప్పుతుండాలి.
Step 3
చక్కగా ఉడికిన తరువాత దించుకొని కొత్తిమీర చల్లి వడ్డించాలి. ఇందులోకి కారప్పొడిగాని, చట్నీగానీ మంచి కాంబినేషన్.
Step 4
ఇందులో పోపుగింజలు వేగినతరువాత కొద్దిగా పసుపు రెండు మీడియం సైజ్ టమాటోలు చిన్న ముక్కలుగా కట్ చేసి కలిపితే టమాటో బాత్ తయారవుతుంది.
Step 5
ఇది సుమారు ముగ్గురు లేక నలుగురికి సరిపోతుంది. సభ్యులను బట్టి పరిమాణం పెంచుకోవాలి.