tawa murgh recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే తవా ముర్గ్ ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

25 Minutes
Servings

1-2

కావాల్సిన పదార్ధాలు

చికెన్ బ్రెస్ట పీస్-200 గ్రా,
శనగపిండి-10 గ్రా,
గుడ్డు సొన-టేబుల్‌స్పూన్,
వెనిగర్-రెండు టీ స్పూన్లు,
కారం-టీస్పూన్,
ఉప్పు-తగినంత,
ధనియాలపొడి-రెండు టీ స్పూన్లు,
జీలకర్రపొడి-టీ స్పూన్,
గరం మసాల పౌడర్-అర టీ స్పూన్,
నిమ్మరసం-రెండు టేబుల్ స్పూన్లు,
నూనె-టేబుల్ స్పూన్,
అల్లంవెల్లుల్లి పేసు-టేబుల్ స్పూన్లు

తయారు చేయు విధానం

Step 1
ముందుగా చికెన్ బ్రెస్ట్ పీస్‌ని శుభ్రంగా కడిగి పలుచని స్లైసస్‌గా కట్ చేసుకోవాలి.
Step 2
ముక్కల మీద శనగపిండి చల్లి చేత్తో కలపాలి. శనగపిండి ముక్కల్లో తడిని పీల్చుకోవడమే కాక పచ్చివాసనని కూడా తగ్గిస్తుంది.
Step 3
ఇప్పుడు ఒక బౌల్‌లో చికెన్ పీసెస్, అల్లంవెల్లుల్లి ముద్ద, వెనిగర్, గుడ్డు సొన, కారం, ఉప్పు, ధనియాల పొడి, జీలకర్ర పొడి, గరమ్ మసాల పౌడర్, నిమ్మరసం కలిపి 10 నిమిషాలపాటు నానబెట్టాలి.
Step 4
తర్వాత నాన్ స్టిక్ పాన్ లేదా తవా ని స్టౌ మీద పెట్టి నూనె వేయాలి.
Step 5
నూనె వేడెక్కాక నానబెట్టిన చికెన్ ముక్కలని వేసి తక్కువ సెగ మీద ఎరుపు రంగు వచ్చే వరకు వేయించి తీసుకోవాలి.
Step 6
వీటిని లంచ్ లేదా డిన్నర్‌కి ముందు స్టార్టర్స్‌లా తీసుకోవచ్చు.