Badam Kulfi

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే బాదం కుల్ఫీ ఎలా తయారుచేయాలో ఇక్కడ తెలుసుకోండి.

Prep Time

1 Hour 25 Minutes
Cooking Time

20 Minutes
Servings

3

కావాల్సిన పదార్ధాలు

పాలు – 4 కప్పులు
యాలకుల పొడి – 1 టేబుల్‌ స్పూన్
పంచదార – పావు కప్పు
మొక్కజొన్న పిండి – 1 టేబుల్‌ స్పూన్
బాదంపప్పులు – 10 లేదా 15
బ్రెడ్‌ – 1 (చివర్లు తొలగించి ముక్కలు చేసుకోవాలి)

తయారు చేయు విధానం

Step 1
ముందుగా బ్రెడ్‌ ముక్కలు, అరకప్పు పాలు, మొక్కజొన్న పిండి కలుపుకుని మిక్సీలో పేస్ట్‌లా చేసుకుని పక్కన పెట్టుకోవాలి.
Step 2
తరువాత బాదం పప్పులను ముక్కలు చేసుకుని ఉంచుకోవాలి. ఇప్పుడు ఒక పాన్‌ తీసుకుని అందులో మిగిలిన మూడున్నర కప్పులు పాలను మరిగించి కప్పున్నర పాలుగా చేసుకోవాలి.
Step 3
ఇప్పుడు బ్రెడ్‌ పేస్ట్‌ను అందులో యాడ్‌ చేసుకుని (అడుగంటకుండా) గరిటెతో తిప్పుతూ ఉండాలి.
Step 4
ఆ మిశ్రమం చిక్కపడిన తరువాత పంచదార వేసుకుని దగ్గర పడేదాకా గరిటెతో తిప్పాలి.
Step 5
ఇప్పుడు స్టవ్‌ ఆఫ్‌ చేసి అందులో బాదం ముక్కలు, యాలకుల పొడి కలుపుకుని బాగా చల్లారనివ్వాలి.
Step 6
తరువాత కుల్ఫీ కప్స్‌లోకి లేదా మీకు నచ్చే ఆకారంలోకి ఆ మిశ్రమాన్ని తీసుకుని ఒక పుల్ల వేసుకుని డీప్‌ ఫ్రిజ్‌లోకి పెట్టుకుంటే సరిపోతుంది.