atukula samosa

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే అటుకుల‌ సమోసా ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

20 Minutes
Servings

3

కావాల్సిన పదార్ధాలు

కావాల్సినవి:
మైదా – ఒకటిన్నర కప్పు,
ఉప్పు – కొద్దిగా,
నిమ్మరసం – ఒకటిన్నర చెంచా,
నూనె- వేయించేందుకు సరిపడా,
ఫిల్లింగ్‌ కోసం:
ఉల్లిపాయ – ఒకటి పెద్దది,
కారం- అరచెంచా,
అటుకులు- అరకప్పు (మరీ మెత్తగా కాకుండా మిక్సీ పట్టాలి),
కొత్తిమీర- ఒక కట్ట,
ఉప్పు -తగినంత.

తయారు చేయు విధానం

Step 1
ఒక పాత్రలో మైదా, తగినంత ఉప్పు, నిమ్మరసం తీసుకోవాలి. అందులో గోరువెచ్చని నీళ్లు కొద్దికొద్దిగా పోస్తూ.. చపాతీపిండిలా కలిపి పెట్టుకోవాలి. దానిపై తడి వస్త్రాన్ని కప్పి కాసేపు నాననివ్వాలి.
Step 2
ఇంతలో పొయ్యిమీద బాణలి పెట్టి రెండు చెంచాల నూనె వేయాలి. అది వేడయ్యాక ఉల్లిపాయముక్కలు వేయాలి.
Step 3
అవి ఎర్రగా వేగాక కొద్దిగా ఉప్పూ, కారం వేసి పొయ్యి కట్టేయాలి. ఆ వెంటనే మరీ అటుకుల మిశ్రమం, కొత్తిమీర తరుగు వేయాలి.
Step 4
అన్నింటినీ బాగా కలిపితే కూర తయారైనట్లే. నానిన మైదా మిశ్రమాన్ని చిన్నచిన్న ఉండల్లా చేసుకోవాలి.
Step 5
ఒకదాన్ని తీసుకుని చిన్న చపాతీలా వత్తి పెనంపై ఓ అరనిమిషం కాల్చుకుని తీసుకోవాలి. ఆ చపాతీని తీసుకుని మధ్యలో చెంచా ఉల్లిపాయ మిశ్రమాన్ని ఉంచి.. సమోసాలా వచ్చేలా అంచుల్ని చుట్టి మూసేయాలి.
Step 6
దీన్ని నూనెలో వేయించుకుని తీసుకోవాలి. ఇలాగే మిగిలిన పిండినీ చేసుకుంటే చాలు.