pakoda with soya chunks

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మీల్ మేకర్ పకోడీ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

20 Minutes
Servings

3

కావాల్సిన పదార్ధాలు

మీల్‌మేకర్ - 100గ్రా,
కార్న్‌ఫ్లోర్ - అర కప్పు ,
బియ్యంపిండి - అర కప్పు ,
శనగపిండి - అర కప్పు,
తరిగిన ఉల్లిపాయలు - కప్పు,
కారం - అర స్పూను,
కొత్తిమీర - పావు కప్పు,
నిమ్మకాయం రసం - రెండు స్పూనులు,
అల్లం వెల్లుల్లి పేస్టు - రెండు స్పూనులు,
కరివేపాకు - కొద్దిగా,
నూనె, ఉప్పు - సరిపడినంత

తయారు చేయు విధానం

Step 1
ఒక పాత్రలో నీళ్లు పోసి స్టవ్ మీద పెట్టి వేడిచేయాలి. నీళ్లు బాగా వేడెక్కాక మీల్ మేకర్ అందులో వేసేసి, స్టవ్ కట్టేయాలి. పదినిమిషాల పాటూ మీల్ మేకర్ ను అలా నీళ్లలోనే ఉంచాలి.
Step 2
ఇప్పుడు నీళ్లు పిండేసి మీల్ మేకర్ మిక్సీలో వేసి తురుములా చేసుకోవాలి.
Step 3
అనంతరం ఓ గిన్నిలో మీల్ మేకర్ తురుము, కార్న్ ఫ్లోర్, బియ్యంపిండి, శెనగ పిండి, అల్లం వెల్లుల్లి పేస్టు, ఉప్పు, కారం, కరివేపాకు, కొత్తి మీర, ఉల్లిపాయ ముక్కలు, కారం అన్ని వేసి కాస్త నీళ్లు పోసి బాగా కలుపుకోవాలి.
Step 4
కళాయిలో నూనె వేడెక్కాక పకోడీల్లా వేసుకుని బాగా వేగాక తీసి గిన్నెలో వేసుకోవాలి. ఈ పకోడీలను టమాటో సాస్ తో తింటే భలే రుచిగా ఉంటాయి.