Kova Laddu recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కోవా లడ్డు ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

30 Minutes
Servings

2-4

కావాల్సిన పదార్ధాలు

పాలపొడి - 200 గ్రా;
కండెన్స్‌డ్ మిల్క్ - 250 గ్రా;
నెయ్యి - 100 గ్రా;
కొబ్బరి తురుము - కప్పు;
బెల్లం - 250 గ్రా;
బాదం, జీడిపప్పు పలుకులు, కిస్‌మిస్ (నెయ్యిలో వేయించినవి) - 25 గ్రా.

తయారు చేయు విధానం

Step 1
ఒక గిన్నెలో కొబ్బరి తురుము, బెల్లం కలిపి స్టౌ మీద పెట్టి, గరిటెతో కలుపుతూ ఉండాలి.
Step 2
కాసేపటికి మిశ్రమం గట్టిపడుతుంది. ఇందులో డ్రై ఫ్రూట్స్ వేసి కలపాలి. ఒక గిన్నెలో పాల పొడి, కరిగించిన నెయ్యి, కండెన్స్‌డ్ మిల్క్ వేసి కలిపి, అవెన్‌లో పదిహేను నిమిషాలు ఉంచాలి.
Step 3
అవెన్‌లో నుంచి పాలపొడి మిశ్రమం తీసి, గరిటతో బాగా కలిపితే కోవా ముద్దగా అవుతుంది.
Step 4
కొబ్బరి మిశ్రమం చిన్న ఉండలు(నిమ్మకాయ పరిమాణం)గా చేయాలి. కోవా చిన్న చిన్న ముద్దలు తీసుకొని, ఉండలు చేసి, అరచేతి వెడల్పుగా ఒత్తి, మధ్యలో కొబ్బరి ఉండను పెట్టి, మళ్లీ ఉండలా చేయాలి.
Step 5
నోట్: మౌల్డ్ సాయంతో చేయడం లేదా చేత్తో మోదక్‌లాగ చేసి, సన్నని పుల్లతో నిలువుగీతలు పెట్టాలి.