nuvvula laddu

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే నువ్వుల లడ్డు ఎలా తయారుచేయాలో ఇక్కడ తెలుసుకోం.

Prep Time

10 Minutes
Cooking Time

30 Minutes
Servings

3

కావాల్సిన పదార్ధాలు

తెల్ల నువ్వులు: ఒక కప్పు
తరిగిన బెల్లం: ఒక కప్పు
దేశవాళి నెయ్యి: రెండు టీ స్పూన్లు.

తయారు చేయు విధానం

Step 1
అడుగు మందంగా ఉన్న మూకుడును స్టౌ మీద పెట్టి అందులో తెల్లటి నువ్వులను వేసి మీడియం మంటమీద బంగారు వర్ణం వచ్చేవరకు వేయించి పక్కన పెట్టాలి.
Step 2
బెల్లానికి అరకప్పు నీళ్ళు కలిపి వేడిచేయాలి.
Step 3
బెల్లం కరగగానే దానిని వడకట్టాలి.
Step 4
ఇప్పుడు బెల్లం పానకాన్ని మూకుడులో పోసి చిక్కగా అయ్యేలా మరిగించాలి.
Step 5
ఒక గిన్నెలో చల్లని నీళ్ళను తీసుకోండి. అందులో పాకం పట్టిన బెల్లంయొక్క ఒక చుక్కను వేయండి. అది చెదరకుండా అలాగే వుంటే పానకం తయారైనట్టే. ఒకవేళ అలా కాకపోతే పానకాన్ని ఇంకొంచెం సేపు వేడిచేసి అలా అయ్యేవరకు వేడిచేయాలి.
Step 6
పానకం తయారైన తర్వాత అందులో వేయించిన నువ్వులను వేయండి. బాగా కలిపి కొంచెం చల్లారనివ్వండి. ఆ మిశ్రమం కొంచెం వెచ్చగా వుండగానే చేతికి కొంచెం నెయ్యి రాసుకుని నిమ్మకాయ సైజులో వుండలు కట్టాలి. అవి పూర్తిగా చల్లారాక గాలి చొరని పాత్రలో నిల్వ చేసుకోవాలి. ఒకవేళ మీకు లడ్డూలలాగా ఇష్టం లేకపోతే ఆ మిశ్రమాన్ని అలాగే నెయ్యి రాసిన పళ్ళెంలో వేసి పూర్తిగా చల్లారాక మీకిష్టమైన విధంగా కట్ చేసుకొని నిల్వ చేసుకోవచ్చు.